Afisa 4:9 - Izere New Testament

⁹ Akye̱ nye ye “a ngarak e̱?” I tonong ye, ni ime̱se̱ng'e a se tsik ma kaye̱e̱r kaben!

Afisa 4:9 Referans Kwoze

aYohana 3:13

Akak kun tseng naza baꞌ, ma ke aya a ta ne naza, wu ne a nye Igon Ánerawe.

aMatiyu 12:40

Kyo̱ndi aZhona ta te inom itaar, katuk be kunom kaye̱e̱r kafa agbang izos, anong ne Igon Anerawe ta te inom itaar katuk be kunom kaye̱e̱r iben.

aYohana 6:33

Naya Adakunom nye aya a tá ne naza a tá tiik kaben ne a no̱o̱k kazatse kutser.”

Ibrani 2:9

Amma ike̱ng iya yir ta ye̱re̱k yir nye aYeso, aya a ta tsang a ni raar na ámaleka, amma kyo̱o̱rna a tu ku no̱o̱k kuyiik be rigwo̱m kamok a so̱ risam riku nong se ritek Adakunom ta fok risam riku kamok koangan.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

Ibrani 2:7

Wan tú ku nye a ti raar cie̱k na ámaleka, wan tú no̱o̱k rigwo̱m be kuyiik

aYohana 8:14

aYeso fe̱ be ba ye, “Ko ke mi fa fe̱ natoon rice mi, rife̱ mi nye katsak, kamok mi ren karo̱ kaya afe mi tú ku ne, be karo̱ kaya afe mi tù ku be. Amma yin ren yin karo̱ kaya afe mi tú ku ne ka karo̱ kaya afe mi tù ku be baꞌ.

aYohana 6:62

To̱, ke yin di yin Igon Anerawe sen kubun naro̱ wu tú ku ne ane̱ e̱?

aYohana 6:58

Ayu ne a nye naya na tá ne naza. Átukop yir agbugbang'e ya naya a ta yis ye amanna amma a kus cice̱r ba. Aner aya ne a ya naya na, a tà sor ma izen izen.”

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aYohana 6:41

Iyong áner aYahuda san anyinye̱m natoon aYeso kamok wu tá fe̱ ye, “Mi ne i nye abiredi aya a tá ne naza.”

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.