Afisa 4:4 - Izere New Testament

⁴ Yir se yir kyo̱ndi kuro̱m kuzining ne Kabik Kazhe̱l'e se kazining. Anong ne yin be yin ku ni te riye̱ kuzining kuya a tá ka yis mo yin.

Afisa 4:4 Referans Kwoze

Afisa 2:18

Kamok wu ne yir ti se̱ yir iren ku be nufe Ada, iren izining, iya ita se kaye̱e̱r Kabik.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

1 aKoranti 12:20

To̱, kuro̱m se kuzining ne ku be ikap ze̱r ze̱r.

aKolosi 1:5

Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

Afisa 5:30

Yir ta nye yir ikap kuro̱m wu.

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

aKolosi 3:15

Won kameneng riye̱ aKiristi tin nye rigwo̱m kaye̱e̱r aye̱ yin. Kamok kyo̱ndi kuro̱m kuzining ne a tá yis yin nong ta sor yin áfe caang. Sor yin áfe kunye riye̱ rikan be Adakunom koakye izen.

Afisa 2:22

Natoon wu ne a ta sak yin mak gip nong ta te yin karo̱ kusor Adakunom kamok kukyem be Kabik wu.

Afisa 2:16

Kyo̱ndi kuro̱m kuzining a tu bun be ba cice̱r afa'ong nufe Adakunom. A nye anong be riku wu natoon kukon nong a tà tun rifub ri ta se natite ba.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

aTitus 3:7

A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

1 aTimoti 1:1

Mi, aBulus, amanzo aYeso Kiristi, nu kushim Adakunom, Aner Kashesh yir, ne aYeso Kiristi aya yir ta min te yir riye̱,

1 aKoranti 10:17

Agbang abiredi'me ta se azining, yir i ta se yir whe̱r, i ta ya yir abiredi azining'e, n te yir azining nuro̱m.

2 aKoranti 11:4

Ke aner akak be̱ nufe yin ye nong a ta ka taas yin itak aYeso akak ze̱e̱r be aYeso aya yir tá ma ka taas yin ka ye yin ta shan kabik kakak ze̱e̱r be kaya yin tan shan yin ka be Rife̱ Ritek rikak ze̱e̱r be riya yir tá ma ka tak yin. Mi di kyo̱ndi yin ta shan yin.

Itomong Ámanzo 15:11

Yir ti no̱o̱k yir katsak ye a min shesh yir kamok ritek Agwo̱m Ágwo̱m yir aYeso, anong ne ba gip.”

aRom 11:29

kamok kunang Adakunom ne kuyis wu shishing baꞌ.