Afisa 4:32 - Izere New Testament

³² Sor yin gye̱r be áfudang yin, naka di yin be kuro̱ riye̱ ne i naka nye yin igaas kyo̱ndi Adakunom ta ka re̱ng yin rine̱n yin kaye̱e̱r aKiristi.

Afisa 4:32 Referans Kwoze

aMarkus 11:25

Izen iya yin no̱ yin ninye aduwa, ke yin be yin ike̱ng ikak be akak kaye̱e̱r riye̱ yin, ku re̱ng yin'e, nong Ada yin afe a ta se kaye̱e̱r kaza tà ma ka re̱ng yin rine̱n yin gip.

2 aKoranti 2:10

Koangan afe yin tu ku re̱ng yin rine̱n wu, mi gip mi tu ku re̱ng'e. Rine̱n afe mi ta re̱ng, ke i nye ye rine̱n'e kuse mi tana re̱ng, mi re̱ng kamok yin ne nasho̱o̱n aKiristi.

Afisa 5:1

Kamok anong, kum yin ta nye yin inoon na áya Adakunom ta shim, to̱, kuus yin ane̱e̱ Adakunom.

aLuka 6:35

Shim yin ámudo̱n yin ingya, ku tonong yin ba ritek. Ku nyesek yin ba iko̱p dar ku ni te riye̱ ye á tà ka karang yin, nong ishorong yin tà se whe̱r, ne i te yin inoon Ada Adakunom ayiik'e, kamok wu se gye̱r be áfe a ta won dar á tonong riye̱ rikan ba, ne áya a ta nye imaan'e.

aLuka 6:37

“Sang tu to̱ yin akak amok baꞌ, fan a ba ka to̱ yin'e. Sang tu te̱n yin akak amok baꞌ, fan a ba ka te̱n yin'e. Re̱ng yin ákak rine̱n ba, nong a tà ma ka re̱ng yin rife̱ yin.

1 aKoranti 13:4

Kushim nye riye̱ ricaang be kunye kutek. Kushim be rishishim baꞌ, ri nye kuka baꞌ. Ka ku sok rice naza baꞌ.

aLuka 17:4

Ke a tá nye rine̱n kutak kanataar kunom kuzining, a ra bun a be̱ kutak kanataar ne a fe̱ be wan ye, ‘Mi n nye rine̱n, ni re̱ng'e,’ ne i ku re̱ng'e.”

aMatiyu 6:12

Ni re̱ng yir rine̱n yir, kyo̱ndi yir tá re̱ng yir áya afe a tin nye yir rine̱n.

1 aYohana 2:12

Mi ta zibir yin'e, aya i ta ru nye yin inoon nabik kamok a ma ka re̱ng yin rine̱n yin, kaye̱e̱r riyerek aYeso.

aRom 12:10

Naka shim yin kyo̱ndi aner be aronyining. Koangan ra sok afudang yiik ne a nar rice wu.

1 aYohana 1:9

Amma ke yir taas yir Adakunom rine̱n yir, a tin re̱ng yir'e kamok wu be katsak ne a be kuse kutek, ne a ni kusu yir kaye̱e̱r koakye ike̱ng imaan'e.

2 aKoranti 2:7

Kamok anong i se gye̱r ke yin ku re̱ng yin rine̱n wu ne i ku tsesek yin ingya, fan riye̱ riwe'me bu nar agap wu.

aYakub 5:11

Kyo̱ndi yin ta ren yin, yir sok yir áfe a ta na ka tsesek áfe awe̱ng. Yin n fok yin itak yin itak Ku naka tsesek Ayuba ne di yin ikeng iya Adakunom tu ku nye'me ni gang'e. Ada Adakunom be kuro̱ riye̱ ne kuse kutek dide̱ng.

2 aKoranti 6:6

Yir sor yir kusor kuzhe̱l'e ne kuren ike̱ng be kutsesek ne kuse kutek be kusor kaye̱e̱r Kabik Kazhe̱l'e ne kushim kufe katsak,

aLuka 11:4

Ni re̱ng yir rine̱n yir, kamok yir ta re̱ng yir áya a tin nye yir rine̱n. Sang tu tseng be yir naro̱ afe a tana sen bo̱mo̱ng yir baꞌ.’ ”

aLuka 1:78

kamok kuro̱ riye̱ Adakunom yir, ne akanang kashesh a ta ne naza tin wuruk ni yir

2 aBitrus 1:7

Ni barang yin ku naka shim natoon kuse kuri kufe Adakunom, ni barang yin kushim koangan natoon ku naka shim.

Itomong Ámanzo 28:2

Áner kuwo̱p'e ti tonong yir ritek makiyi. Ayong á ti shan yir ibo̱k ifa cice̱r yir ne á ni kas yir kuro̱ng kamok iza sen kpa ne karo̱ shirim.