I tuse yir kyo̱ndi aKayinu baꞌ. A tá nye afe Ishetan ma a fe̱r aronyining wu. Akye̱ sak a tá fe̱r aronyining e̱? Kamok kunye wu nye kumaan'e ne kufe aronyining se gye̱r nasho̱o̱n Adakunom.
Ároneng, tu fe̱ amaan ikeng natoon áfudang wan baꞌ, koangan ne a ti fe̱ amaan ikeng natoon aronyining wu, ka a tu to̱ amok ayi, i nye a ti fe̱ amaan ikeng natoon rife̱ Adakunom ne a ni to̱ amok natoon'e. Ke wan to̱ itsi amok, i nye ye wan kuus itsi'me baꞌ.
Kum ako̱k kasho̱o̱n ta nye aner itomong Adakunom, a ra nye aner aya sang a tana ku se̱ be ike̱ng ikak imaan'e baꞌ. Sang a tu nye aner aya a ta kok rice naza baꞌ, ka afe riye̱ rife ka aner a ta so̱ kugbe̱re̱ ma a ta feng'e, ka aner a ta shim kuren ka aner aya a ta ma ka shim itso̱m baꞌ.
Kamok mi fok inyim ye kashim ke mi be̱, mi ta be̱ tá ka se̱ yin kyo̱ndi mi ta shim baꞌ, ne yin ni sok yin kyo̱ndi yin ta shim yin baꞌ. Mi fok inyim ye mi ta be̱ ta ka se̱ yin riwo̱ng be rifuup ne riye̱ kubeseng be ku won dar kugung rice, be ritok, ne imok, be rice ribun ne akpe̱de̱ng kusor.
Ke ba nye anong á me̱ be akpe̱de̱ng kusor ne á tsang á kar na nasa. Sang á sor kpe̱de̱ng tsek baꞌ, amma á tseng á nye imok ne á tsang á ni tes kanu nike̱re̱ ánerawe. Á tsang á fe̱ ike̱re̱ iya i ta taas ke ba fe̱ baꞌ.
ne kukuus ike̱re̱ itsi be rikur. Ánerawe naka di kye̱re̱ ne á ko̱ro̱ng ne á naka shishim, be riye̱ kubeseng dide̱ng, ne kushim rice be ku naka kaa ne kuwon dar kugung rice,
Kamok anong, ti nye yir riye̱ rikan'e amma be ayisti azen aya a ta nye ayisti amaan'e ka akardak'e baꞌ. Sor yin kyo̱ndi abiredi a ta se dar ayisti, abiredi'me se kyo̱ndi aner a ta be katsak ne a se zhe̱l.
Iyong mi fok kuto̱ kukak kanang natoon kaza ku ta fe̱ ye, “Kyo̱o̱rname, kashesh be kukyem ne rigwo̱m Adakunom yir ne kukyem aKiristi wu m be̱. Kamok an barak aner aya a tá tsees kukun áronyining yir kaben, wu aya a ta yiir nye kukun áronyining yir nasho̱o̱n Adakunom katuk be kunom.
Anong ne anyako, kubo̱so̱p ba'me ye á ra nye kusor kuri kuya ku ta tas kufe ányining áya a ta nye afikuus, sang a tu be imok ka áya a ta mak á so̱ ike̱re̱ ma a ta feng'e baꞌ, amma á ra bo̱so̱p ánerawe ike̱ng iya i ta nye katsak.
sang a tu nye aner a ta mak a so̱ kugbe̱re̱ baꞌ, sang aner a ta shim kuren baꞌ, a ra nye aner a ta se whiwhe̱ sang a tu nye aner a ta mak a shim itso̱m baꞌ.
Áner kuwo̱p'e cice̱r wor á dorok á tá wuruk koake̱ be itsi. Á tá be̱ yiir aBulus. Á tú ku ko̱k á tu ku tun kaye̱e̱r agbang kutu kuya Adakunom iben'e, ne á wor á whe̱se̱ng nanukutu'me.
ne a te dar ku naka shim, ne á naka be kaye̱e̱r aye̱, ne á te áfe kubeseng ayerek ánerawe, ne á te dar kuyiir rice ne á fe̱ hash ne á te awan rishishim ne á raba koakye ike̱ng itek,
A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.