Afisa 4:30 - Izere New Testament

³⁰ Sang tu beseng yin Kabik Adakunom Kazhe̱l'e riye̱ baꞌ, kamok be wu ne a ta te mo yin izizo̱ nong ta sor yin afu ma katuk a tana shesh ánerawe.

Afisa 4:30 Referans Kwoze

1 aTasalonika 5:19

Sang tu roon yin Kabik Kazhe̱l'e kunye itomong baꞌ.

Itomong Ámanzo 7:51

“Yin áfe i ta shonong yin, be aye kyo̱ndi kuta, aya ato yin ta se nikpa! Yin tas yin átukop yin. Yin gaar ku kuus yin rife̱ Kabik Kazhe̱l'e koakye izen.

aRom 8:23

Sang ike̱re̱'me tsek baꞌ, amma yir gip, yir aya a tin no̱o̱k yir kunang Kabik Kazhe̱l'e kaya a tin no̱o̱k yir kum ni ime̱se̱ng'e, i rus yir kaye̱e̱r aye̱ yir ne i tor yir be ifeng nong Adakunom tin sok yir i ta te yir inoon wu ne a shesh iro̱m yir.

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

aMarkus 3:5

aYeso tú ye̱re̱k ba be riye̱ kubeseng ne a nye riye̱ riwe dide̱ng kamok atep aye̱ ba. Ayong aYeso fe̱ be aner ame ye, “Nabak kubo̱k wan.” Aner ame nabak kubo̱k wu, yong kubo̱k'e te kutser gye̱r.

Ibrani 3:10

Iyong ne i sak riye̱ mi ta beseng be izam iyong ma mi fe̱ ye, ‘Aye̱ ba se gugo̱k be mi koakye izen, a ren íren'i baꞌ.’

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

Ibrani 3:17

Riye̱ Adakunom beseng be ángan ma aye̱ iso̱k inaas e̱? Riye̱ wu beseng be áner a tá nye rine̱n, áfe a tá kus kaye̱e̱r katse.

1 aKoranti 15:54

Izen iya ne ife kusor ma izen izen'ong kis iya i tana baan baꞌ, ne ife i tana won dar ku, kis iya i tana ku, nizen iyong ne a ta shining ike̱ng iya a ta zibir kaye̱e̱r rife̱ Adakunom ye, “An wo̱no̱ng riku, kamok a nar agap wu.”

aLuka 21:28

Ke yin di yin ike̱re̱ na, nyeseng yin ta sok yin rice yin naza kamok kashesh yin m be̱ bubarak.”

aYohana 3:33

Amma aner aya a ta shan rife̱ wu tonong ye Adakunom nye katsak.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?