Afisa 4:29 - Izere New Testament

²⁹ Sang akpe̱de̱ng rife̱ tu wuruk kaye̱e̱r kanu yin baꞌ, amma fe̱ yin rife̱ ritek riya ri tana no̱o̱k ákak kuya kasho̱o̱n natoon ike̱ng ba ta sen tse̱r'e nong áfe a ta ka foos'e ta se̱ kutobok.

Afisa 4:29 Referans Kwoze

aKolosi 4:6

Won rife̱ yin tu sas kufok nong ase̱ yin ta ren yin kuri iren iya yin tana fe̱ yin be koangan aya a tana ka nye yin kurip.

1 aTasalonika 5:11

Kamok anong ya yin kasho̱o̱n be kutsesek yin áfudang yin ne i naka berek yin kyo̱ndi yin ta nye yin.

aMatiyu 5:16

Kamok anong, won akanang yin tu ya kanang nasho̱o̱n ánerawe, nong ke á di kunye yin kutek ne á tà kerek Ada yin a ta se kaye̱e̱r kaza.

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

aLuka 4:22

Koangan fe̱ itek natoon wu, ne á te zhing be Rife̱ Ritek ri tá wuruk nanu wu. Ne á na risim ye, “Igon aYusufu na aꞌa?”

1 aBitrus 3:1

Yin ányining iwe̱ne̱ng, yin gip, kuus yin ike̱ng iya átek yin ta fe̱ be yin, nong ke ákak ba kuse áya sang á tá min no̱o̱k katsak rife̱ Adakunom baꞌ, kashim kuse ányining ba tà sak á tin no̱o̱k katsak sang ma akak fe̱ ike̱ng ikak be ba baꞌ.

Afisa 4:16

Wu ne a gung ikap kuro̱m'e cei, kuro̱m'e sor nagung kamok koakye ifun be ikap kuro̱m'e rasak ne i no̱k rice wu kaye̱e̱r kushim kamok koakye ikap kuro̱m'e ta nye itomong wu.

Afisa 4:12

A nye anong, nong a tá nye kanye̱k áner Adakunom tu ku nye itomong ne a no̱k kuro̱m aKiristi.

2 aBitrus 2:18

A ya aduk kuka be rine̱n ne á wo̱ro̱k áya a ta ra won kunye rine̱n'ong tsek be ike̱re̱ iya kuro̱m ta shim.

1 aKoranti 14:19

Amma i tin nar mi ta fe̱ ike̱re̱ itoon tsek nanyim afikuus nong á ta fok, be i tana fe̱ ike̱re̱ izungu kuso̱k (10,000) ne á fok baꞌ.

aRom 14:19

Kamok anong, won i tu nye yir koakye ike̱ng i tana kyem i nye yir i tana be̱e̱n kusor caang be anong i tana ka tsesek yir.

aRom 15:2

Won koangan kaye̱e̱r yir tu kare̱p afegbak wu riye̱ kamok i se gye̱r anong be wu ne i ku barang mo agap kaye̱e̱r kuno̱o̱k katsak.

aYohana 1:37

Nizen iya álimazhiri afa ame tá fa fok anong, yong á kuus aYeso.