Afisa 4:28 - Izere New Testament

²⁸ Aner a ta tsang a nye itsang tu ba nye baꞌ, a ra nye itomong ne a nye ike̱ng ikak itek be ibo̱k wu nong a ta se̱ ike̱ng ikak a tana nang aya sang a tà be baꞌ.

Afisa 4:28 Referans Kwoze

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

aGalati 6:10

To̱, kamok anong, ke i se̱ yir izen, i tonong yir koangan kuse kutek, abaan áfikuus baꞌ.

aYohana 12:6

aYahuza fe̱ anong sang kamok wu tá daam be áfe rizor baꞌ, amma kamok wu tá nye akpatang. Wu ne a tá ceshek ishika itso̱m ba, a bo̱s azong ne a ni tobok rice wu.

aLuka 19:8

Ayong aZaka dorok a tá fe̱ be aYeso ye, “Atekasa, mi tà no̱o̱k áfe rizor ribir kurum'i aze kyo̱o̱rna. Ke mi n mo̱o̱r akak natoon ike̱ng ikak, mi tu ku karang ko kutak kunaas.”

2 aKoranti 8:12

Kamok ke yin be yin riye̱ kuno̱o̱k'e Adakunom ta fok kusas kuno̱o̱k'e, a ta shan kuno̱o̱k'e tite̱re̱ be agap aner'e. Adakunom shim yin tu no̱o̱k yin ike̱ng ife yin ta won dar i be yin baꞌ.

2 aKoranti 8:2

Ba se kaye̱e̱r amaan risam dide̱ng, amma riye̱ rikan ba se dide̱ng ma ri ta sak ba, á ta nye kuno̱o̱k be riye̱ rizining ba ta se kaye̱e̱r amaan rizor.

aRom 12:13

Kasap yin ike̱ng yin ta be yin be áner Adakunom áya a ta se kaye̱e̱r kutser. Shim yin kushashang átsen.

aYohana 13:29

aYahuza a tá nye aner kusaas itso̱m, ákak ba sor ye aYeso fe̱ be wu ye a ra se shan ike̱re̱ a tá tse̱r kamok aPasova'me, ka a ra se no̱o̱k áfe rizor ike̱ng ikak ayi.

aLuka 3:8

Nye yin kunye kuya ku tana tonong ye yin n shishing yin kuse yin, sang tu wo̱k yin rice yin ye Ibrahim ne a nye ada yin baꞌ. Mi ta tak yin, Adakunom ta kyem a sok ata na, a tin nye Ibrahim inoon.

1 aKoranti 4:12

Yir nye yir itomong dide̱ng be ibo̱k yir. Ke akak ti kas yir, ne yir te yir aner'e ritek. Ke a ti tabak yir, ne yir naka tsesek yir.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.