Afisa 4:22 - Izere New Testament

²² A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.

Afisa 4:22 Referans Kwoze

aRom 6:6

Yir ren yir ye an ti gak kuse yir kufe agbugbang kuri kufe rinerawe mak be wu fan ri bin be agap natoon yir. A nye anong fan i bu te yir ásam rine̱n baba.

Ibrani 12:1

Kamok anong, kum ánerawe áfe á ta kuus rife̱ yir kuse whe̱re̱ á ta min gorok yir na, won i tu ku barak yir koakye ike̱ng i tanin te̱ne̱ng yir, be koakye kuni rine̱n ri ta kyem ri tin te yir afartak zizirik. I naka tsesek yir ta teng yir itsi iya i ta se nasho̱o̱n yir.

aYakub 1:21

Kamok anong, kam yin be ike̱re̱ kurisik ne iriri anyas nong ta mees yin rice ta shan yin rife̱ a tan tuus naye̱ yin, riya ri tana ka shesh yin.

Ibrani 3:13

Amma yiir i naka tsesek yin kunom. Ni nye yin itomong be koakye izen iya a ta yis ye, “katuur”, nong fan rine̱n bu wo̱k akak yin nong ta shonong.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

Afisa 4:25

Kamok anong koangan kaye̱e̱r yin ra won naborok nong a tà tak afegbak wu katsak, kamok cice̱r yir i nye yir áner aner azining.

1 aBitrus 4:3

Gbugbang, yin mak tsang i beseng yin izen dide̱ng ninye ike̱re̱ iya áfurin tá nye, ike̱re̱ kyo̱ndi kunye kpe̱de̱ng be kubi ne kufeng be kugbe̱re̱ ne kunye kyo̱ndi ágabu ne kukuus ike̱re̱ itsi.

Afisa 4:17

Kamok anong, mi ta ko̱ro̱k yin kuto kaye̱e̱r riyerek Agwo̱m Ágwo̱m ye, sang tu ba sor yin kyo̱ndi áfurin ta sor be kuri kuto̱ro̱ng ba kufe rifunam baꞌ.

2 aBitrus 2:13

A tà ka karang ba be risam kamok ba no̱o̱k ákak risam. Ba fok kusas'e kunye ike̱re̱ isum kyo̱ndi agabu natite kunom. Kusor ba be yin nye ike̱ng isum ne ku nye amaan ike̱ng, á yas mak be yin gye̱rtatan nama anong ne á nye ike̱re̱ isum'ong.

1 aBitrus 1:18

Kamok yin ren yin ye a tá ka shesh yin kaye̱e̱r akpe̱de̱ng igo̱o̱n iya átukop yin tá ka won yin'e. A tá ka shesh yin be ike̱re̱ iya i tana beseng kyo̱ndi azurfa be izinariya baꞌ.

aKolosi 2:11

Kaye̱e̱r wu ne a tá nye yin izhak kaye̱e̱r kabik gip, nong ta tun yin kuse kuri kufe rine̱n. Sang izhak kuri iya anerawe ne a ta nye baꞌ, amma kuri iya aKiristi ne a ta nye.

Afisa 2:3

Yir cice̱r, yir i tsang i se yir kyo̱ndi ba gip ne i shim kunye yir ike̱re̱ imaan'e iya aye̱ yir ta shim ne i kuus yir kuse be kuto̱ro̱ng yir. Kyo̱ndi koangan ta se, be anong kaye̱e̱r kuse rinerawe yir gip riye̱ kubeseng Adakunom se natoon yir kyo̱ndi ri ta se natoon ba gip.

2 aBitrus 2:7

Wu ne a shesh aLot, aner aya a tá nye azhe̱l'e, aya a tá daam natoon amaan kunye áner aSodom á tá gaar kukuus Itsi Adakunom.

aGalati 1:13

Yin n fok yin kuri kuse mi gbugbang, nizen iya mi ta ru kuus itsi áner aYahuda, kuri amaan risam riya mi tá no̱o̱k áfikuus dar kuro̱ riye̱ ma i tse̱r iren nong tá te̱ne̱ng'e.

aRom 7:11

Rine̱n tu se̱ karo̱ kamok Itsi'me, i tin wo̱k i tin fe̱r.

aYakub 1:26

Ke akak sok rice wu ye wu ren Adakunom ne a ra kyem a yiir kanu wu baꞌ, a wo̱k rice wu, i nye ye kuren Adakunom wu sor ikeng ikak baꞌ.

2 aKoranti 11:3

Amma mi fok inyim ye ike̱ng iya i tase aHawa ta ka se̱ yin. Iwhen tu wo̱ro̱k be ritse̱ng wu ma a nye rine̱n. Anong ne a ta kyem a sak kuto̱ro̱ng yin ta te kpe̱de̱ng, fan yin bun won dar i no̱o̱k yin rice yin cice̱r nong ta se yin zhe̱l nasho̱o̱n aKiristi baꞌ.

Afisa 4:31

Kam yin be koakye kuri riye̱ riwe be riye̱ rife ne riye̱ kubeseng be kuren be ritok ne koakye kuri amaan kunye.