Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.
Awo̱ be ba! Á sok kuse aKayinu. Kamok ba tá tse̱r ishorong zizirik á wor á kuus kuri rine̱n riya aBalam tá nye kamok kushim itso̱m. A ta ka fe̱s ba kyo̱ndi a tá fe̱r aKora kamok kushonong.
Kamok ánerawe kazatse cice̱r n feng be ashi anap afe amaan rikuna wu. Ágwo̱m kazatse nye rikuna be wu. Ágbang ázhik kazatse na te árum kamok kushim kusas kusor kazatse wu.”
Ike̱re̱ ba tá nye'ong se kyo̱ndi kare̱e̱r rife̱ a ta fe̱ ye, “Agabu kos ne a bun a re̱s rikos wu.” Kare̱e̱r rife̱'me kakak bun ka fe̱ ye, “A so álade ne a bun a kubun a ta se biring kaye̱e̱r ame̱re̱sh.”
Gbugbang, yin mak tsang i beseng yin izen dide̱ng ninye ike̱re̱ iya áfurin tá nye, ike̱re̱ kyo̱ndi kunye kpe̱de̱ng be kubi ne kufeng be kugbe̱re̱ ne kunye kyo̱ndi ágabu ne kukuus ike̱re̱ itsi.
Kamok anong, mi ta ko̱ro̱k yin kuto kaye̱e̱r riyerek Agwo̱m Ágwo̱m ye, sang tu ba sor yin kyo̱ndi áfurin ta sor be kuri kuto̱ro̱ng ba kufe rifunam baꞌ.