Afisa 4:18 - Izere New Testament

¹⁸ Kuren ike̱ng ba se whi ne á be kutser kufas kuri kuya Adakunom ta nyesek baꞌ, kamok kuri agbik rice ba ta be ne kushonong ba.

Afisa 4:18 Referans Kwoze

aMatiyu 13:15

Kamok aye̱ ánerawe'me n te kyo̱ndi kuta; á fok kuto baꞌ. Á whe̱se̱ng anyisi ba fan á bu di be anyisi ba, Ke anong baꞌ, ke á ye̱re̱k be anyisi ba ne á foos be ato ba, ne á ren ike̱ng iya a tin fe̱, ne ba kirik nunaan ne mi ku sak ba á tà te atser.’

Afisa 2:12

Yiring yin nizen iyong, yin tsang i se yin mak be aKiristi baꞌ, a ta sok yin ye yin nye yin áner Isarela baꞌ, ye, yin be yin ike̱ng ikak kaye̱e̱r kushu Adakunom tá nye be átukop yir baꞌ. Kaye̱e̱r kazatse na yin se yin dar kute riye̱ ne yin be yin Adakunom baꞌ.

aYohana 12:40

“A sak ba tá te ákpato̱o̱n'e, ne a whe̱e̱n aye̱ ba, fan á bu ye̱re̱k be anyisi ba, ne á ren be aye̱ ba, fan á bu kirik nunaan nong mi tà ka sak ba á tá te atser.”

1 aTasalonika 4:5

Sang be rinyisi rikan baꞌ, kyo̱ndi áfe a ta se nurin áfe sang á ta ren Adakunom baꞌ.

aYakub 4:4

yin áfe i ta nye yin rikuna, yin ren yin ye rifertseng be kazatse nye rimudo̱n be Adakunom aꞌa? Aner aya ne kasa a ta nye rifertseng be kazatse a te amudo̱n Adakunom.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aKolosi 1:21

Gbugbang, yin tsang i se yin gugo̱k be Adakunom ma i te yin ámudo̱n wu kaye̱e̱r aye̱ yin kamok amaan kunye yin.

1 aYohana 2:11

Amma aner aya a ta rawu aronyining wu afikuus a se na awhi, a tseng na awhi. Kamok anong a ren karo̱ wu tu ku be baꞌ, kamok awhi'me tu ku whe̱e̱n anyisi.

aGalati 4:8

Nizen iya yin ta tsang i ren yin Adakunom baꞌ, yin nye yin ásam nike̱re̱ iya nuse ba i ta nye Adakunom afe katsak baꞌ.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

aRom 1:28

Kum ánerawe'me ta gaar kushan Adakunom, Adakunom tú ku won ba kaye̱e̱r amaan kuto̱ro̱ng ba yong a ma tsang a nye ike̱re̱ iya i tá taas ke ba nye baꞌ.

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.

aRom 2:19

Wan ren gye̱r ye wan ne i ta ko̱k akpato̱o̱n kuse̱ ne i sor akanang nufe áner aya a ta sor kaye̱e̱r awhi,

aMarkus 3:5

aYeso tú ye̱re̱k ba be riye̱ kubeseng ne a nye riye̱ riwe dide̱ng kamok atep aye̱ ba. Ayong aYeso fe̱ be aner ame ye, “Nabak kubo̱k wan.” Aner ame nabak kubo̱k wu, yong kubo̱k'e te kutser gye̱r.

2 aKoranti 3:14

Amma ánerawe'me tá shonong, yong ma katuur ike̱ng ikak kuse i tu ku te̱ne̱ng ba kudi katsak'ong kaye̱e̱r kushu kuzen. Ike̱ng ku naka kis ma kyo̱o̱rna an wuruk baꞌ, kamok a kyem a tun baꞌ, ma ke be aKiristi tsek.

Itomong Ámanzo 3:17

“Ároneng, mi ren yin nye yin anong kaye̱e̱r kudun kuren kyo̱ndi áko̱k kasho̱o̱n yin ta nye.

aRom 11:7

To̱, yong ta fe̱ yir ane̱ makong e̱? Aner Isarela se̱ ike̱ng iya ba ta tse̱r be ifeng baꞌ, amma áya a tá kasa tsek ne a se̱, ribir'e Adakunom sak ba ta shonong.

1 aKoranti 2:8

Akak kaye̱e̱r ágwo̱m izam iyu kyem a ren kukyem'me baꞌ, ke á fa fe̱ ye ba ren ke ba tigak Agwo̱m Ágwo̱m yir a ta se yiik baꞌ.

Afisa 2:1

Gbugbang yin tsang i se yin kyo̱ndi ikom'e, kamok kuraar yin ne rine̱n yin tin sor yin kaye̱e̱r'e,

Ibrani 5:2

A kyem a nye tatan be áya a ta taam ne áya a ta dun kuren ike̱ng, kamok wu be rice wu ta be kuraar kuri kufe̱ rinerawe gip.

Ibrani 9:7

Agbang atsi tsek ne a no̱ nutu kufe kaye̱e̱r'e, kutak kuzining koakye riye̱. Izen iya a ta no̱ ma a no̱ be naso̱k a tana no̱o̱k kamok rine̱n wu be riya ánerawe tá nye kaye̱e̱r kudun kuren.

1 aBitrus 1:14

Kyo̱o̱rna yin ta nye yin inoon naya na ta fok kuto, tu won yin ike̱re̱ iya yin tin be yin ife̱ng gbugbang ta sok aye̱ baꞌ. Nizen iyong yin se yin na awhi.