Afisa 4:17 - Izere New Testament

¹⁷ Kamok anong, mi ta ko̱ro̱k yin kuto kaye̱e̱r riyerek Agwo̱m Ágwo̱m ye, sang tu ba sor yin kyo̱ndi áfurin ta sor be kuri kuto̱ro̱ng ba kufe rifunam baꞌ.

Afisa 4:17 Referans Kwoze

aRom 1:21

Ba ren Adakunom gye̱r tatan, á ra ku tiyiik kamok a ta nye Adakunom ka á tonong riye̱ rikan ba baꞌ. Amma kuto̱ro̱ng ba se kpe̱de̱ng'e ingya, ne a te titak kaye̱e̱r aye̱ ba.

2 aBitrus 2:18

A ya aduk kuka be rine̱n ne á wo̱ro̱k áya a ta ra won kunye rine̱n'ong tsek be ike̱re̱ iya kuro̱m ta shim.

aKolosi 2:4

Mi ta tak yin ike̱re̱ na nong fan akak ba ka wo̱ro̱k yin be kanu re̱m re̱m.

1 aBitrus 1:18

Kamok yin ren yin ye a tá ka shesh yin kaye̱e̱r akpe̱de̱ng igo̱o̱n iya átukop yin tá ka won yin'e. A tá ka shesh yin be ike̱re̱ iya i tana beseng kyo̱ndi azurfa be izinariya baꞌ.

Itomong Ámanzo 20:21

Mi n taas áner aYahuda be áner aHeleni ye á ra shishing kuse ba á tu ku bun nufe Adakunom dim ne á ni no̱o̱k katsak na Agwo̱m Ágwo̱m yir aYeso.

Itomong Ámanzo 18:5

Nizen iya aSila be aTimoti ta ne na aMakidoniya, á be̱ se aBulus n no̱o̱k rice wu cice̱r ni inye áner aYahuda awazi Rife̱ Ritek, ne a tonong kanang ye aYeso ne a nye aKiristi'me.

Itomong Ámanzo 14:15

“Aro̱, akye̱ sak yin ta nye yin ana e̱? Yir gip yir nye yir ánerawe kyo̱ndi yin tsek. Yir ma ka be̱e̱n yin Rife̱ Ritek ye yin ru won yin kunye akpe̱de̱ng ike̱re̱ na nong tu ku bun yin nufe Adakunom afe kutser aya a ta nye kaza be kaben ne isho̱ng be ike̱re̱ iya i ta se kaye̱e̱r'e peer.

2 aTimoti 4:1

Mi fe̱ be wan be agbang kuto̱ nasho̱o̱n Adakunom ne aYeso Kiristi, aya a tana to̱ atser be ikom amok, a tana bun a be̱ nong a ta te tsik rigwo̱m wu ye,

1 aTimoti 6:13

Nasho̱o̱n Adakunom afe a ta no̱o̱k koakye ike̱ng kutser ne aYeso Kiristi aya a ta fe̱ katsak natoon rice wu nasho̱o̱n aBuntus Bilatus, a tá fe̱ atuk katsak. Mi ta nye akusuk ye,

1 aTimoti 5:21

Nasho̱o̱n Adakunom ne aYeso Kiristi ne ámaleka a ta kasa, mi ta nye akusuk ye, i ra kuus ike̱re̱ mi ta fe̱ be wan na gye̱r gye̱r sang be kushim rice ka ku tonong ye wan shim akak ne i nar'e baꞌ.

1 aTasalonika 4:6

Kyo̱ndi yir tá tsang i fe̱ yir, ne i bun i ka zhe̱she̱k yin ye, sang akak tu beseng afudang riye̱ baꞌ, ka a tu ku nye ike̱ng ikak imaan'e baꞌ, kamok Agwo̱m Ágwo̱m yir ne a ta to̱ áner kuri ayong amok.

aKolosi 2:18

Aner akak shim ku tonong kuri kumees rice ba ta be ne á tonong ye ba ya ámaleka iben ne á shim ku ka zhe̱e̱sh yin ye kamok yin ta nye yin anong baꞌ, tin daam yin natoon ba baꞌ. Áner kuri ayong fe̱ ye ba ye̱re̱k ike̱ng ikak kyo̱ndi nabos, amma amaan kuto̱ro̱ng ba tu ku sak ba ta ya kuka kpe̱de̱ng tsek.

Afisa 4:22

A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.

Afisa 1:22

Adakunom won koakye nubo̱k wu ne a ku kasa a tin nye rigwo̱m natoon ike̱re̱ cice̱r ne a te ako̱k kasho̱o̱n ikilisiya.

aGalati 5:3

Mi bun i fe̱ be koangan afe a ta shim a tu ku nye izhak ye ke a ta kuus Itsi to̱, ma a ra kuus Itsi'me cice̱r dim.

aGalati 3:17

Ike̱ng iya mi tin fe̱ natoon'e nye, Itsi a tá no̱o̱k aye̱ kusok inyak anaas be isok taar (430) nama Adakunom tá tsang a no̱o̱k kuto̱ be Ibrahim, kamok anong i sak Adakunom won i no̱o̱k kuto̱ wu tá tsang a nye nong ta birik'e baꞌ.

2 aKoranti 9:6

Yiring yin ye, aner aya a ta tuus ike̱ng cie̱k, cie̱k tsek ne a ta ma se̱, amma aner aya a tá tuus ike̱ng whe̱r, whe̱r ne a tà tse̱k.

1 aKoranti 15:50

Ároneng ike̱ng mi ta sen fe̱ be yin na ye, kuro̱m kufe naso̱k be rinam tà no̱ kaye̱e̱r rigwo̱m Adakunom baꞌ. Anong ne ife i ta bus tà se̱ kutse kaye̱e̱r ife i ta won dar i bus baꞌ.

1 aKoranti 1:12

Ike̱ng iya mi tin fe̱'me nye, koangan yin fe̱ ike̱ng ikak ze̱r, “Akak fe̱ ye, Mi kuus aBulus,” ne akak fe̱ ye, “Mi kuus Apolos,” ne akak fe̱ ye, “Mi kuus aKefas,” ne akak bun a fe̱ ye, “Mi kuus aKiristi.”

Itomong Ámanzo 2:40

Ayong a fe̱ rife̱ gaan be ba ne a ka ko̱ro̱k ba kuto ye, “Shesh yin ace yin kaye̱e̱r amaan kunye kazatse na.”

aLuka 16:28

kamok mi be ároneng atoon. A ra ka ko̱ro̱k ba kuto fan ba gip á bu be̱ naro̱ amaan risam na.’