Afisa 4:16 - Izere New Testament

¹⁶ Wu ne a gung ikap kuro̱m'e cei, kuro̱m'e sor nagung kamok koakye ifun be ikap kuro̱m'e rasak ne i no̱k rice wu kaye̱e̱r kushim kamok koakye ikap kuro̱m'e ta nye itomong wu.

Afisa 4:16 Referans Kwoze

aKolosi 2:19

Aner kuri ayong n kam be aner a ta nye rice'me, wu aya kuro̱m'e cice̱r ti fereng natoon wu ne ku se nagung ne ku rasak kyo̱ndi Adakunom ta shim.

aYohana 15:5

“Mi ne i nye ritin kakon anap'e, yin nye yin íwhang'e. Aner aya a sor kaye̱e̱r'i ne mi ma se kaye̱e̱r wu, wu ne a tà tes dide̱ng. Kamok sang ke be mi baꞌ, yin tà kyem i nye yin ike̱ng ikak baꞌ.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

Afisa 4:12

A nye anong, nong a tá nye kanye̱k áner Adakunom tu ku nye itomong ne a no̱k kuro̱m aKiristi.

1 aKoranti 13:13

To̱, Kyo̱o̱rna, ike̱re̱ itaar na nyeseng, kuno̱o̱k katsak be kute riye̱ ne kushim. Amma, igbang'e kaye̱e̱r ba cice̱r nye kushim.

Afisa 4:15

I ban i fe̱ yir katsak kaye̱e̱r kushim ne i rasak yir cei kaye̱e̱r koakye kuri ike̱ng kaye̱e̱r wu, aKiristi aya a ta se kyo̱ndi rice nuro̱m anerawe.

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.

aFilipi 1:9

Aduwa mi se ye: kushim yin tà ya kasho̱o̱n anong dide̱ng kaye̱e̱r kukyem yin ne i ren yin ike̱ng i ta se gye̱r ke a nye,

Afisa 3:17

nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

Afisa 3:7

Mi te asam kutaas Rife̱ Ritek na kamok Adakunom tin sak ta nye anong kaye̱e̱r ritek be itomong kukyem wu.

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

1 aYohana 4:16

Kamok anong yir ren yir ne i ni fereng yir nushim Adakunom kufe katsak a ta be natoon yir. Adakunom nye kushim. Koangan afe a ta shim ánerawe se kaye̱e̱r Adakunom ne Adakunom se kaye̱e̱r wu gip.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

1 aTasalonika 3:12

Won Agwo̱m Ágwo̱m tu sak kushim yin tin barang dide̱ng be koangan nong ase̱ tà naka shim yin be ánerawe cice̱r kyo̱ndi yir tá nye yir be yin.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

1 aKoranti 8:1

To̱, natoon naya a tá nye kamok itsi, yir ren yir ye yir cice̱r yir ren ike̱re̱ dide̱ng. Kuren ike̱ng dide̱ng sak anerawe ta ya kuka, amma kushim be̱e̱n kuya kasho̱o̱n.

aRom 12:4

Kyo̱ndi kuro̱m ta be ikap ze̱r ze̱r, ne cice̱r ikap'e nye itomong kuri kuzining baꞌ,

1 aKoranti 10:17

Agbang abiredi'me ta se azining, yir i ta se yir whe̱r, i ta ya yir abiredi azining'e, n te yir azining nuro̱m.