Afisa 4:15 - Izere New Testament

¹⁵ I ban i fe̱ yir katsak kaye̱e̱r kushim ne i rasak yir cei kaye̱e̱r koakye kuri ike̱ng kaye̱e̱r wu, aKiristi aya a ta se kyo̱ndi rice nuro̱m anerawe.

Afisa 4:15 Referans Kwoze

1 aYohana 3:18

Inoon'i, yin aya mi ta shim, kushim yir tuse ni nanu tsek baꞌ, amma i nye yir ike̱ng iya i tana tonong ye yir naka shim yir be katsak.

Afisa 4:25

Kamok anong koangan kaye̱e̱r yin ra won naborok nong a tà tak afegbak wu katsak, kamok cice̱r yir i nye yir áner aner azining.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

Afisa 2:21

Natoon wu ne a ti sok rino̱k cice̱r nong ku ta te agbang kutu kuya Adakunom iben kamok Agwo̱m Ágwo̱m.

Afisa 1:22

Adakunom won koakye nubo̱k wu ne a ku kasa a tin nye rigwo̱m natoon ike̱re̱ cice̱r ne a te ako̱k kasho̱o̱n ikilisiya.

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

aRom 12:9

Kushim ra se kaye̱e̱r katsak. Rayin ike̱ng iya i ta nye imaan'e, amma yiir yin ike̱ng iya i ta nye itek.

aYohana 1:47

aYeso tá fa di aFilibus tá saase nufu ayong a fe̱ be wu ye, “Di, yin aner Isarela afe katsak, aya a ta be naborok baꞌ.”

Afisa 5:23

Kamok atekasa ne a nye rice abining wu, kyo̱ndi aKiristi ne a ta nye ako̱k kasho̱o̱n ikilisiya, ba ta nye kuro̱m wu. Wu be rice wu nye aner kashesh'e.

2 aKoranti 4:2

Yir ban i ra yir ike̱re̱ a ta tsang a nye nune̱re̱ng ife isum ingya. Ike̱ng ikak ti gung yir be abo̱o̱s ka ta wo̱ro̱k yir ánerawe be rife̱ Adakunom baꞌ. Amma yir ban i taas yir katsak, be anong koangan ta fe̱ itak yir nasho̱o̱n Adakunom kaye̱e̱r riye̱ wu.

2 aKoranti 8:8

Sang i se ye mi shim ta ka tonong yin agap baꞌ, amma mi shim ta maas kuri kushim kufe katsak afe yin ta be yin be kufe ákak.

1 aKoranti 11:3

Mi shim yin tu ren yin ye aner amitek ne a nye atekasa natoon abining wu, aKiristi ne a nye atekasa natoon aner amitek, Adakunom ne a nye atekasa natoon aKiristi.

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,