Biblia Todo Logo
Bib sou entènèt

- Piblisite -




Afisa 4:14 - Izere New Testament

14 Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

Gade chapit la Kopi




Afisa 4:14
44 Referans Kwoze  

Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.


Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.


Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.


Yir se yir kyo̱ndi whe̱re̱ áya a tan sok rife̱ Adakunom nong á tin tse̱r naya ba baꞌ. Yir fe̱ yir kanu kaye̱e̱r aKiristi nasho̱o̱n Adakunom be riye̱ rizining kyo̱ndi áner Adakunom ta ka tom ba.


Amma izen iya ne a rip, a ra no̱o̱k katsak dim dar agak riye̱, kamok aner aya a ta be agak riye̱ se kyo̱ndi agung ashi isho̱ng kuwun ta kap.


Te yin ares itsom kuri áfe Adakunom cei nong ase̱ ta kyem i nyeseng yin be agap ne i te̱ne̱ng yin kanye̱k amaan aner.


Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.


Kamok izen ta be̱ iya sang ánerawe tana baꞌ, shim kufoos kubo̱so̱p kufe katsak baꞌ. Amma á ta nar kushim kufoos ike̱re̱ iya aye̱ ba tà shim ne kamok kuwhaan ato ba a tse̱r áner kubo̱so̱p nong á tu ku taas ba ike̱re̱ iya ba ta shim á ta foos.


Áner ayong ta ka beseng yin na nyim yin nafe riye̱ rikan yin, á yas mak be yin dar isum dar inyim. A se kyo̱ndi áfe kufek áya a tin sak riye̱ natoon rice ba tsek. Á se kyo̱ndi ane̱n á ta nyim amma ke kuwun be̱ ne kushik. Ne á se kyo̱ndi nakon naya na ta tes baꞌ, ka kyo̱ndi nakon naya a tá turung ne na kus cei.


Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.


Ka! Yin áner aGalati, yin yirim a? Angan sak yin te nye yin titak anong e̱? Yin ne a ta ka tak yin itak natoon kutigak aYeso Kiristi gye̱r gye̱r.


Áner kuzarap áfe abo̱o̱s whe̱re̱ tà wuruk ne á wo̱ro̱k ánerawe whe̱re̱.


Mi ta zibir yin ike̱re̱ na natoon áner á ta shim á ta ka wo̱ro̱k yin nong ta won yin ikuus.


Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.


Yir ban i ra yir ike̱re̱ a ta tsang a nye nune̱re̱ng ife isum ingya. Ike̱ng ikak ti gung yir be abo̱o̱s ka ta wo̱ro̱k yir ánerawe be rife̱ Adakunom baꞌ. Amma yir ban i taas yir katsak, be anong koangan ta fe̱ itak yir nasho̱o̱n Adakunom kaye̱e̱r riye̱ wu.


Nizen álimazhiri aYohana'me tú ku bun, aYeso san i taas rigwo̱m ánerawe'me itak natoon aYohana. “Nizen iya yin tá wuruk yin ni iwe̱ng, yin se di yin akye̱ e̱? Yin tseng yin i ta se di yin agam aso̱p'ong kuwun ta fe̱se̱m a?


Yin ren yin nizen iya yin tá nye yin áfurin, a tá wo̱ro̱k yin nong i ta kuus yin ike̱re̱ itsi iya i ta be kutser baꞌ.


Amma sang tu shim baꞌ. Kamok ánerawe a ta nar iso̱k inaas sen ku tor nong á tù ku fe̱r. Án ya kushu ye sang ba tà ya naya ka á tà so̱ ike̱ng ikak baꞌ ma ba fe̱r aBulus. Kyo̱o̱rna á tor wan ta ka shim ba'me.”


Ámudo̱n'e se kaye̱e̱r yir nizham a tá ra wuruk, ba kun se mak be yir nigaan'e baꞌ. Ke a fa nye ye ba nye afikuus be yir katsak'e, ke a sor mak be yir. Kukam ba be yir tonong ye ba nye afe yir baꞌ.


A ya aduk kuka be rine̱n ne á wo̱ro̱k áya a ta ra won kunye rine̱n'ong tsek be ike̱re̱ iya kuro̱m ta shim.


ninye yin kumaas be kukpara ashi, ku nye kugbang'e dide̱ng gye̱rtatan, kuwun ku tosom be agap, amma be kaban kutso̱m kakak aner kutsip'e ti kirik, ne a tseng'e naro̱ wu ta shim.


Sang aner'e tu nye aner afas nikuus baꞌ, ke anong baꞌ, a ta tsor kafok ma a no̱ kaye̱e̱r kuri amok a tá to̱ Amaan Aner'e.


Wan ren ye koangan niben Asiya ti kirik kama, ma be aFizhilus ne aHamozhanis gip.


Kamok kukyem kazatse na nye rifunam nasho̱o̱n Adakunom kyo̱ndi i ta se ni izibir ye, “Adakunom yising áya a ta se tse̱ng tse̱ng kaye̱e̱r ritse̱ng ba'me.”


Swiv nou:

Piblisite


Piblisite