Afisa 4:11 - Izere New Testament

¹¹ Wu ne a no̱o̱k ákak kunang ku te ámanzo ne ákak te áner kuzarap ne ákak sor áfe kutaas Rife̱ Ritek ne ákak te áner á tanin sak riye̱ na ánerawe be áner kubo̱so̱p ánerawe'me.

Afisa 4:11 Referans Kwoze

Afisa 2:20

A tá sak yin cice̱r natoon ritin'e, riya ámanzo be áner kuzarap tá no̱k. aYeso aKiristi be rice wu ne a nye atuk agbang kuta itsik ribor'e.

2 aTimoti 4:5

Amma wan sak riye̱ be ike̱re̱ kuri iyong, naka tsesek kaye̱e̱r risam wan, ya kasho̱o̱n be kunye itomong aner awazi Rife̱ Ritek ne i ni sak riye̱ ni itomong iya a tá ka sak'e ye wan ra nye cice̱r.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

Afisa 4:8

Kyo̱ndi rife̱ Adakunom ta fe̱ ye, “Izen iya a tá ngarak naza a sok áya wu tá yising ne a no̱o̱k ánerawe kunang iriri'me.”

Afisa 3:5

Gbugbang sang a taas ánerawe itak'e, kyo̱ndi Kabik Adakunom'me tá taas ámanzo azhe̱l ne áner kuzarap azhe̱l'e kyo̱o̱rna baꞌ.

aRom 12:7

Ke kunang'e nye kunye ánerawe itomong, a ra nye itomong'e gye̱r, ke kunye kubo̱so̱p ánerawe'me, a ra bo̱so̱p gye̱r.

Ibrani 5:12

Katsak'e, a fa gye̱ ke yin ma sen bo̱so̱p yin ákak'e kyo̱o̱rna, gip be anong yin ru shim yin ákak afe a tana ka bo̱so̱p yin ike̱re̱ izhizhe̱k'e kaye̱e̱r rife̱ Adakunom. Yin tse̱r yin nabasang, sang akpakarak naya baꞌ.

Ike̱ng a ta tonong aYohana 18:20

Nye yin riye̱ rikan, yin áfe i ta se yin kaye̱e̱r kaza! Nye yin riye̱ rikan ázhe̱l'e be ámanzo ne áfe kuzarap, kamok Adakunom n to̱ aBabila amok natoon ike̱re̱ iya wu tá ka nye yin'e.’ ”

Itomong Ámanzo 21:8

Kaya katson'e yir dorok yir ta be yir na aKaisariya nong i ta se no̱ yir nasa aFilibus aya a tá nye aner awazi Rife̱ Ritek. A tá nye akak kaye̱e̱r áner kanataar áfe a tá kasa na aUshalima.

Itomong Ámanzo 13:1

Áner kuzarap ákak ne áner kubo̱so̱p tuse kaye̱e̱r áfikuus Antakiya. Ákak kaye̱e̱r ba nye aBarnabas be aSiman aya a tú ku yis ye kukpa kuwe ne aLushiyos a tá nye aner aKurane'me be aManayen (aya a tá ta mak be aHiridus) ne Ashawulu.

Ike̱ng a ta tonong aYohana 21:14

A barak ribor kubar'e natoon ata kuso̱k be afa. A ti zibir ayerek ámanzo Aturuk ame kuso̱k be afa natoon'e.

aZhud 1:17

Amma yin, ároneng áya mi ta shim, yiring yin be ike̱re̱ iya ife ámanzo Agwo̱m Ágwo̱m yir aYeso Kiristi tá tsang á fe̱ gbugbang.

1 aKoranti 12:4

To̱, kunang Kabik Kazhe̱l'e se iriri'me, amma Kabik kazining ne a nyesek.