Afisa 4:10 - Izere New Testament

¹⁰ Wu aya a tá tiik'e ne a nye aya a tá bun a ngarak ring ring natoon kaza, nong a ta shining koakye naza be kaben be kukyem wu.

Afisa 4:10 Referans Kwoze

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

Ibrani 4:14

Kamok anong, kum yir ta be yir agbang atsi ayiik'e, aYeso Igon Adakunom, aya a ta tseng naza, won i tu yiir yir kuno̱o̱k katsak yir be agap dide̱ng.

aKolosi 2:9

Kamok kaye̱e̱r aKiristi ne kuse Adakunom sor kaye̱e̱r kuro̱m,

aKolosi 1:19

Adakunom be riye̱ rikan kamok kuse wu cice̱r ta se kaye̱e̱r Igon wu.

aMatiyu 24:34

Katsak'e ne mi ta ka tak yin, ánerawe izam na ta kus baꞌ, ma a nye ike̱re̱ na cei nizham.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

Afisa 3:19

Ne yin ren yin kushim aKiristi kuya ku ta gor agap kuren anerawe nong ase̱ ta shining yin be kunik kuse Adakunom dide̱ng.

Itomong Ámanzo 1:9

Nama aYeso tá fe̱ anong ne a ku sok a tá tseng kaye̱e̱r kaza ne ba ye̱re̱k. Kune̱n tú ku kis, á ba kyem a tú ku di baꞌ.

Ibrani 8:1

Rice rife̱ yir tin fe̱ yir se ye, yir be yir agbang atsi akak kyo̱ndi ayong afe a tá sonong nubo̱k riya itsik rigwo̱m Adakunom ayiik'e kaye̱e̱r kaza.

Itomong Ámanzo 3:18

Adakunom nye anong nikum a tá shining ike̱re̱ iya wu tá tsang a fe̱ nanu áner kuzarap wu ye, aKiristi ta so̱ risam.

Itomong Ámanzo 2:33

Adakunom dorok aYeso nong a tú ku sak nubo̱k riya wu kufe kuyiik ne a ku no̱o̱k Kabik Kazhe̱l'e kyo̱ndi wu tá tsang a fe̱. Ike̱ng iya yin ta di yin ne i fok yin kyo̱o̱rna'me nye kunang kuya aYeso tá min no̱o̱k yir.

Itomong Ámanzo 1:11

Ayong áner'e fe̱ ye, “Yin áner aGalili, kamok akye̱ yin nyeseng yin i ta ye̱re̱k yin kaza e̱? aYeso a tú ku sok nufe yin na a ta tseng naza, a tà bun a be̱ ana kyo̱ndi yin ta di yin a tá tseng kaye̱e̱r kaza.”

aYohana 19:36

A nye ike̱re̱ na nong ase̱ a tá shining ike̱ng iya Kufumung Adakunom tá fe̱ ye, a tá fe̱ ye, “A tá bur kukup wu kuzining baꞌ.”

aYohana 19:28

Nama anong, aYeso tá ren ye kyo̱o̱rna a n gang koakye, nong ase̱ a tá shining ike̱ng iya Kufumung Adakunom tá fe̱ yong aYeso fe̱ ye, “Kuto̱ mi n koor.”

aYohana 19:24

Ayong a fe̱ be rice ba ye, “I tu sarak yir baꞌ, i nye yir kukasa ta di yir aner aya a tana se̱.” A nye iyu nong a tá shining izibir Kufumung Adakunom tá fe̱ ye, “Á kasap ares'i nace ba, á tin nye kukasa na ares'i.” Ike̱ng iya ásozha'me tá nye'ong.

aYohana 1:16

Kaye̱e̱r ritek wu ri ta se dide̱ng ne yir cice̱r se̱ yir ritek natoon ritek.

aLuka 24:44

Ne a fe̱ be ba ye, “Ike̱ng mi ta ka tak yin'ong, kum ne mi rusek be yin, ye ma a shining koakye i ta se ni izibir natoon'i kaye̱e̱r Itsi aMusa tá zibir be afumung áner kuzarap Adakunom ne aZabura.”

2 aKoranti 12:2

Mi ren aner akak a tá nye afikuus aKiristi aye̱ kuso̱k be anaas a tá gor, aya Adakunom tú ku sok a tá ngarak'e naza kafe ataar. Mi ren ka a se kaye̱e̱r kuro̱m kuyu ka a ne̱ baꞌ, Adakunom tsek ne a ren.