Afisa 3:9 - Izere New Testament

⁹ Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.

Afisa 3:9 Referans Kwoze

aKolosi 1:26

riya ri ta se nune̱re̱ng aye̱ be aye̱ ne izam izam amma kyo̱o̱rna an te̱s ázhe̱l'e.

aMatiyu 13:35

aYeso nye anong, nong a ta shining ike̱ng aner kuzarap akak ta fe̱ ye, “Mi tà fe̱ kanu be kumaas nizen iya mi ta sen fe̱ be ba. Mi tù ku taas ba ike̱re̱ iya a tá tsang a ka ne̱r ba'me gbugbang kum nizen a ta nye kazatse.”

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

aKolosi 3:3

Kamok yin tsang i kus yin, kutser yin se nune̱re̱ng nufe aKiristi kaye̱e̱r Adakunom.

aMatiyu 28:19

Kamok anong, tseng yin kaye̱e̱r kazatse cice̱r ta se sak yin ánerawe ta te álimazhiri mi, ne i ku nye yin ba abatisma kaye̱e̱r riyerek Ada, ne kaye̱e̱r riyerek Igon'e, ne kaye̱e̱r riyerek Kabik Kazhe̱l'e.

Ike̱ng a ta tonong aYohana 4:11

“Agwo̱m Ágwo̱m yir Adakunom, wan kyem ta shan kuyiik be rigwo̱m ne kukyem, kamok wan ne i nye ike̱re̱ cice̱r, Nu shim wan ne ike̱re̱'me kuse kamok anong i be kutser.”

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

1 aBitrus 1:20

Wu ne Adakunom tsang a ku kasa nizham a ta ra nye kazatse, amma kamok yin ne a tu tonong nizen igang'e na.

2 aTimoti 4:17

Amma Agwo̱m Ágwo̱m se mak be mi, ayong a ti no̱o̱k agap nong ase̱ kamok mi rife̱ wu tà tseng cei nong áner aya a ta nye áner aYahuda baꞌ, cice̱r tà fok. A ti shesh nanu azaki fan a bin te̱n amok riku.

2 aTasalonika 2:13

Ároneng, gye̱r ke yir nye yir riye̱ rikan be Adakunom ye̱r ye̱r kamok yin, yin áya Agwo̱m Ágwo̱m ta shim kamok kum ni ime̱se̱ng'e Adakunom tá kasa yin nong ta se̱ yin kashesh ne ku te zhe̱l kamok itomong Kabik ne kamok kuno̱o̱k katsak yin be agap.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

1 aKoranti 2:7

Wayo, yir fe̱ yir itak kukyem Adakunom kuya ku ta se nune̱re̱ng, kuya anerawe ta ren baꞌ, kuya Adakunom tá tsang a sak kum ni ime̱se̱ng'e nong ase̱ yir tin se̱ yir kuyiik.

Itomong Ámanzo 15:18

wu afe a tu ku ren kum gbugbang.

aYohana 10:30

Mi be Ada'me i se yir ázining.”

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aYohana 5:17

aYeso fe̱ be ba ye, “Ada mi se kaye̱e̱r itomong wu koakye izen, mi gip mi se be itomong'i.”

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aMatiyu 10:27

Ike̱re̱ mi ta sen ka taas yin na awhi, fe̱ yin kanang. Ike̱re̱ a tá ka taas yin kyo̱o̱n nato, ngarak yin na agarang ta fe̱ yin kanang.

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Ike̱ng a ta tonong aYohana 14:6

Ne mi bun i di amaleka akak ta kar natoon kaza, a be Rife̱ Ritek Adakunom rife̱ izen izen nong a ta tak ánerawe kaye̱e̱r kazatse cice̱r, koakye kuri anerawe be koakye kuri izere be koangan irem.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

Afisa 3:2

Mi ren tse̱ng tse̱ng ye yin n fok yin kuri ritek Adakunom tin no̱o̱k nong tin nye itomong na kamok yin.

Afisa 6:19

Nye yin aduwa kamok'i gip, nong ase̱ Adakunom tin no̱o̱k ike̱ng iya mi tana fe̱ nong mi tà taas ánerawe Rife̱ Ritek riya ri ta se nune̱re̱ng dar inyim dim.

aKolosi 4:3

Nye yin aduwa kamok yir gip, nong ase̱ Adakunom tin karak yir iren kutaas rife̱ wu nong ta taas yir kanye̱k aKiristi kaya ka ta se nune̱re̱ng kafe sang akak ta ren baꞌ, kamok anong ne a min te nitso̱m.