Afisa 3:8 - Izere New Testament

⁸ Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

Afisa 3:8 Referans Kwoze

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

1 aKoranti 15:9

Mi ti raar kaye̱e̱r ámanzo, mi kyem a tin yis ye amanzo gum baꞌ kamok mi tabak áfikuus dide̱ng.

Afisa 3:16

Mi nye aduwa ye kaye̱e̱r agbang kuyiik wu, a ta ka tsesek yin be kukyem wu, nong ta sor yin be agap kaye̱e̱r aye̱ yin kamok Kabik wu,

Afisa 2:7

Adakunom nye anong, nong ase̱ a tà tonong izam ife i tana be̱ kuri ritek riya sang ri ta be igak baꞌ. A ti tonong yir anong kamok ritek wu kaye̱e̱r aYeso Kiristi.

1 aTimoti 2:7

Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

1 aTimoti 1:13

Mi tsang i nye aner kuzhe̱e̱sh Adakunom gye̱rtatan ne i tabak áfikuus ne i nye awan kuren, gip be anong Adakunom tin tonong kuro̱ riye̱ kamok mi nye kaye̱e̱r kudun kuren sang mi tsang i ni no̱o̱k katsak na aYeso baꞌ.

aGalati 1:16

nong a tin karak anyisi nong tá ren Igon wu aYeso, nong ase̱ mi ta nye awazi Rife̱ Ritek natoon wu nufe áner aya sang á ta nye áner aYahuda baꞌ. A tá nye anong sang mi tse̱r ibo̱ro̱ng nufe akak baꞌ.

aRom 11:33

Katsak'e, kutsik kuren kukyem Adakunom ne kuren ike̱ng wu be igak baꞌ. Angan ta kyem a ren iren wu ta nye ike̱re̱ wu ne iren wu tu ku gosok e̱?

aRom 2:4

Ka wan zhe̱e̱sh agbang ritek Adakunom be kutsesek wu ne kuse whiwhe̱ wu e̱? Wan ren ye ritek Adakunom tá sak wan tá shishing kuse wan aꞌa?

2 aTimoti 1:11

Kamok Rife̱ Ritek'e ne Adakunom ti kasa mi nong tá te aner kunye awazi ne i te amanzo ne i te aner kubo̱so̱p ánerawe'me.

Afisa 3:19

Ne yin ren yin kushim aKiristi kuya ku ta gor agap kuren anerawe nong ase̱ ta shining yin be kunik kuse Adakunom dide̱ng.

1 aKoranti 2:9

Kyo̱ndi i ta se ni izibir ye, “Akak kun di baꞌ, akak kun fok baꞌ, akak kun to̱ riye̱ wu ike̱ng iya Adakunom ta nye kanye̱k'e kamok áfe a tu ku shim baꞌ.”

aRom 12:10

Naka shim yin kyo̱ndi aner be aronyining. Koangan ra sok afudang yiik ne a nar rice wu.

Itomong Ámanzo 5:41

Ámanzo dorok azong be riye̱ rikan kamok a tá di ba kyem a ta ka no̱o̱k ba risam kamok riyerek aYeso.

Ike̱ng a ta tonong aYohana 3:18

Mi tà ka no̱o̱k ibo̱ro̱ng, shan izinariya aya a tan shirik be kuro̱ng nunaan nong ta te árum kaye̱e̱r kabik, be ares akan nong tin kis kuro̱m wan fan i bu fok isum. Shan rikan anyisi nong tà di karo̱ gye̱r.

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

aFilipi 4:19

Adakunom mi tà ka no̱o̱k yin koake̱ yin ta tse̱r yin kaye̱e̱r kuyiik wu kuwhe̱r'e kaye̱e̱r aYeso Kiristi.

aGalati 2:8

Adakunom aya a tin te kubo̱k ni itomong aBitrus ta nye kamok a ta nye amanzo nufe áner aYahuda, wu ne a ti te kubo̱k ni itomong'i nufe áner aya a ta nye áner aYahuda baꞌ.

aFilipi 2:3

Sang tu nye yin ike̱ng ikak be kushim rice baꞌ, ka be kuka baꞌ, amma be yin kumees rice ne i sok yin áfudang yin kyo̱ndi á ta nar yin.

Afisa 3:2

Mi ren tse̱ng tse̱ng ye yin n fok yin kuri ritek Adakunom tin no̱o̱k nong tin nye itomong na kamok yin.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aYohana 1:16

Kaye̱e̱r ritek wu ri ta se dide̱ng ne yir cice̱r se̱ yir ritek natoon ritek.

Afisa 3:1

Kamok anong, mi aBulus a min te nitso̱m kamok aYeso aKiristi ne kamok yin áya sang yin ta nye yin áner aYahuda baꞌ.

aLuka 14:22

“Ayong asam'me fe̱ ye, ‘Atekasa, mi n nye ike̱ng wan tá fe̱ ye i ra nye, gip be anong karo̱ ru kuse.’