Afisa 3:4 - Izere New Testament

⁴ Kum yin tan fa yin, yin ta kyem i se̱ yin akanang ike̱ng ife mi ta ren natoon kuse aKiristi.

Afisa 3:4 Referans Kwoze

aKolosi 4:3

Nye yin aduwa kamok yir gip, nong ase̱ Adakunom tin karak yir iren kutaas rife̱ wu nong ta taas yir kanye̱k aKiristi kaya ka ta se nune̱re̱ng kafe sang akak ta ren baꞌ, kamok anong ne a min te nitso̱m.

1 aKoranti 4:1

Kamok anong ni sok yir kyo̱ndi ásam aKiristi, áya Adakunom tú ku won ba ike̱re̱ wu iya i ta se nune̱re̱ng nubo̱k.

2 aKoranti 11:6

Kashim kamok sang a tin bo̱so̱p kufe̱ rife̱ baꞌ, amma mi be kuren ike̱ng. Yir n ma ka tosong yin kanang niren ze̱r ze̱r.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

Afisa 6:19

Nye yin aduwa kamok'i gip, nong ase̱ Adakunom tin no̱o̱k ike̱ng iya mi tana fe̱ nong mi tà taas ánerawe Rife̱ Ritek riya ri ta se nune̱re̱ng dar inyim dim.

Afisa 5:32

Iyuna nye agbang ike̱ng i tana ro̱ yin tana ren yin, amma mi ti fe̱ natoon aKiristi be áfikuus.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

aLuka 8:10

aYeso tú tak ba ye, “A ma ka no̱o̱k yin kukyem kuren ike̱re̱ rigwo̱m Adakunom i ta se nune̱re̱ng, amma be ákak mi ta fe̱ ne i ninye kumaas, nong a se̱ “ ‘Á ta ye̱re̱k gye̱r tatan, amma á tà ra di baꞌ. Á tà foos gye̱rtatan, á tà ra ren ike̱ng iya á tin fe̱ baꞌ.’

1 aTimoti 3:9

Á ra nyeseng be agap natoon kunik kuno̱o̱k katsak a tin tonong yir dim be riye̱ rizining.

1 aKoranti 13:2

Ko mi fa nye kuzarap, ne i ren koakye ike̱ng iya i ta se nune̱re̱ng, ne i be kukyem kuren koakye ike̱ng, ne ko mi fa be kuno̱o̱k katsak dide̱ng ma i kyem i fe̱ be rifan ye tseng aza ne ri tseng, amma sang ke mi ra be kushim baꞌ, to̱, i nye ye mi nye ike̱ng ikak baꞌ.

aMatiyu 13:11

aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

Afisa 3:3

Iyong ne i nye ike̱ng Adakunom tin te̱s'e kaye̱e̱r kanye̱k wu kaya sang akak ta ren baꞌ, kyo̱ndi mi tá tsang i ka zibir yin'e cie̱k.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.

aKolosi 1:26

riya ri ta se nune̱re̱ng aye̱ be aye̱ ne izam izam amma kyo̱o̱rna an te̱s ázhe̱l'e.