Afisa 3:20 - Izere New Testament

²⁰ Kuyiik nye kufe wu aya a ta kyem a nye koakye be ike̱re̱ iya yir tana ku rip yir ne iya yir tanin nye yir kuto̱ro̱ng.

Afisa 3:20 Referans Kwoze

2 aKoranti 9:8

Adakunom ta kyem a ka no̱o̱k ritek wu ma ri ta nar ike̱ng iya wan ta tse̱r, nong ase̱ koakye izen, yin ta se̱ yin koakye ike̱ng iya yin ta tse̱r yin, nong yin ta nye yin itomong itek dide̱ng.

aRom 4:21

A bun a ti te riye̱ dim ye Adakunom be kukyem a tana shining ike̱ng iya wu tá fe̱ ye a tà nye.

aZhud 1:24

To̱, nakerek nye nafu, wu aya a ta be kukyem ku ka tor mo yin fan i bu kpas yin, a ta tseng be yin nasho̱o̱n agbang kuyiik wu dar rine̱n be riye̱ rikan dide̱ng.

1 aKoranti 2:9

Kyo̱ndi i ta se ni izibir ye, “Akak kun di baꞌ, akak kun fok baꞌ, akak kun to̱ riye̱ wu ike̱ng iya Adakunom ta nye kanye̱k'e kamok áfe a tu ku shim baꞌ.”

Afisa 1:19

Mi bun i nye aduwa ye yin ta ren yin agbang kukyem wu kufe áya a tin no̱o̱k katsak. Kukyem kuya ku ta nye itomong kaye̱e̱r yir se kuzining be kuyu.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

Afisa 3:7

Mi te asam kutaas Rife̱ Ritek na kamok Adakunom tin sak ta nye anong kaye̱e̱r ritek be itomong kukyem wu.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aKolosi 1:29

Kamok anong ne mi nye itomong ma i ti te iso̱r be kuri agap aya aKiristi tin no̱o̱k, aya a ta nye itomong dide̱ng kaye̱e̱r'i.

aYohana 10:10

Akpatang be̱ kamok itsang tsek ne a fe̱r ne a beseng. Amma mi be̱ nong á ta se̱ kutser, á ta se̱ kutser'e kpe̱.

aYakub 4:12

Adakunom tsek ne a nye afe kuno̱o̱k itsi be kuto̱ amok. Wu ne a kyem a shesh ne a fe̱r. Amma wan nye angan tana to̱ aner agbak wan amok e̱?

1 aTimoti 1:14

A ti shining be ritek Agwo̱m Ágwo̱m yir dide̱ng, ne a ni no̱o̱k kuno̱o̱k katsak ne kushim kuya ku ta se kaye̱e̱r aYeso Kiristi.

Ibrani 11:19

Ibrahim ren ye Adakunom tá kyem a dorok kukom, kamok anong, yir ta kyem i fe̱ yir ye a se̱ Ishaku nama a ta ku.

2 aBitrus 1:11

Be anong ne a tà ka shan yin ibo̱k ifa kaye̱e̱r rigwo̱m Agwo̱m Ágwo̱m rife̱ izen izen rife̱ Aner Kashesh yir.

aMatiyu 3:9

Sang yin tu wo̱k yin ace yin be kuto̱ro̱ng ye, ‘Ibrahim nye ada yir’ baꞌ. Won ta ka tak yin, Adakunom ta kyem a sok ata na nong a tin nye Ibrahim inoon.