Afisa 3:2 - Izere New Testament

² Mi ren tse̱ng tse̱ng ye yin n fok yin kuri ritek Adakunom tin no̱o̱k nong tin nye itomong na kamok yin.

Afisa 3:2 Referans Kwoze

1 aTimoti 1:11

Kubo̱so̱p na se natoon ayiik Rife̱ Ritek Adakunom aya ánerawe tu ku kerek, a tin won'e nubo̱k nong ta no̱o̱k ákak.

2 aTimoti 1:11

Kamok Rife̱ Ritek'e ne Adakunom ti kasa mi nong tá te aner kunye awazi ne i te amanzo ne i te aner kubo̱so̱p ánerawe'me.

aRom 1:5

Kamok wu ne riyerek wu ne yir ti se̱ yir ritek ne ku yis nong tá te ámanzo nong ta yis yir áya sang á ta nye aner aYahuda baꞌ cice̱r, nong á tin no̱o̱k katsak ne a kuus rife̱'me.

Afisa 4:7

Amma a no̱o̱k koangan yir kunang ritek aKiristi kaye̱e̱r kushim wu.

1 aKoranti 4:1

Kamok anong ni sok yir kyo̱ndi ásam aKiristi, áya Adakunom tú ku won ba ike̱re̱ wu iya i ta se nune̱re̱ng nubo̱k.

Afisa 1:10

Kanye̱k wu se, ye ke izen'e nye dim, a tà gung ike̱re̱ cice̱r, ike̱re̱ iya i ta se kaye̱e̱r kaza be iya i ta se kaben nong aner azining tin nye rigwo̱m, aKiristi ne a tin nye rigwo̱m'e.

aGalati 1:13

Yin n fok yin kuri kuse mi gbugbang, nizen iya mi ta ru kuus itsi áner aYahuda, kuri amaan risam riya mi tá no̱o̱k áfikuus dar kuro̱ riye̱ ma i tse̱r iren nong tá te̱ne̱ng'e.

Itomong Ámanzo 22:21

“Iyong Agwo̱m Ágwo̱m'me fe̱ be mi ye, ‘Mi ta ka tom tsik nufe áner aya sang a ta nye áner aYahuda baꞌ.’ ”

Itomong Ámanzo 13:46

Iyong aBulus be aBarnabas fe̱ be ba be riye̱ rizining ye, “Gye̱r ke yir san ku ka taas yin rife̱ Adakunom nizham. Kum yin ta gaar yin i ta tonong yin kaye̱e̱r kuse yin ye yin raar yin tana se̱ yin kutser kufe izen izen, iyong ne i sak ta ka won yin i ta kirik nufe áner aya a ta nye áner aYahuda baꞌ.

Itomong Ámanzo 13:2

Nizen ba tá sen ya Adakunom iben ne á nye azumi yong Kabik Kazhe̱l'e fe̱ be ba ye, “Ni sak yin aBarnabas be Ashawulu nukim nong ase̱ á tin nye itomong iya mi tan sak ye ba tin nye'me.”

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

1 aTimoti 2:7

Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

1 aTimoti 1:4

Ku tak ba ye á ra won ku foos atin natoon átukop ba agbugbang'e ne ku kuus á ye̱re̱k ba dar igak. Kunye anong ti barang nanaan tsek sang ku tà be̱e̱n kuya kasho̱o̱n kanye̱k Adakunom kuya a ta se̱ kamok kuno̱o̱k katsak.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aKolosi 1:4

Kamok yir n fok yir kuri kuno̱o̱k katsak yin ta be yin kaye̱e̱r aYeso Kiristi ne kuri kushim kuya yin ta shim yin ázhe̱l'e cice̱r.

Afisa 4:21

Katsak'e, yin a ta tak yin itak wu ne a ka bo̱so̱p yin rife̱ katsak natoon aYeso.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

aRom 12:3

Kamok ritek Adakunom tin nye'me na, mi fe̱ be koangan yin ye sang akak tu sok rice naza ye wu nye ike̱ng ikak baꞌ, a ra ban a mees rice wu ingya, a ra mees rice wu te̱re̱ be kuri kuno̱o̱k katsak Adakunom tú ku no̱o̱k.

aRom 11:13

To̱, yin áya sang i ta nye yin áner aYahuda baꞌ, mi fe̱ be yin. Kum mi ta nye amanzo nufe yin, mi tin ya kuka ni itomong'i.

Afisa 3:7

Mi te asam kutaas Rife̱ Ritek na kamok Adakunom tin sak ta nye anong kaye̱e̱r ritek be itomong kukyem wu.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.