Afisa 3:16 - Izere New Testament

¹⁶ Mi nye aduwa ye kaye̱e̱r agbang kuyiik wu, a ta ka tsesek yin be kukyem wu, nong ta sor yin be agap kaye̱e̱r aye̱ yin kamok Kabik wu,

Afisa 3:16 Referans Kwoze

aKolosi 1:11

Yir bun i nye yir aduwa ye yin ta te yin gbugbong be ayiik kukyem wu nong yin ta se̱ yin ku naka tsesek ne i yiir yin aye̱. Won yin tu sor yin áfe riye̱ rikan,

aFilipi 4:13

Mi ta kyem i nye koakye kamok aKiristi aya a tin nyesek agap kunye'me.

2 aTimoti 4:17

Amma Agwo̱m Ágwo̱m se mak be mi, ayong a ti no̱o̱k agap nong ase̱ kamok mi rife̱ wu tà tseng cei nong áner aya a ta nye áner aYahuda baꞌ, cice̱r tà fok. A ti shesh nanu azaki fan a bin te̱n amok riku.

2 aKoranti 4:16

Kamok anong yir min tun yir riye̱ baꞌ. Iro̱m yir na ya kasho̱o̱n be kubeseng, amma kaye̱e̱r kabik yir se̱s yir agap koakye izen.

Afisa 6:10

Ni igang'e cice̱r, nyeseng yin be agap kaye̱e̱r Agwo̱m Ágwo̱m be agbang kukyem wu.

2 aKoranti 12:9

amma a fe̱ be mi ye, “Ritek'i ta kyem, kamok kaye̱e̱r kuraar wan ne a ta di agap kukyem'i.” Kamok anong, be riye̱ rikan mi tin barang kuya kuka kaye̱e̱r kuraar'i na nong ase̱ agap kukyem aKiristi ta se mak be mi.

aFilipi 4:19

Adakunom mi tà ka no̱o̱k yin koake̱ yin ta tse̱r yin kaye̱e̱r kuyiik wu kuwhe̱r'e kaye̱e̱r aYeso Kiristi.

aRom 7:22

Kamok kaye̱e̱r riye̱ mi, mi fok kusas Itsi Adakunom.

1 aKoranti 16:13

Sor yin be kanye̱k, nyeseng yin gye̱r kaye̱e̱r kuno̱o̱k katsak yin, Sor yin áner ku naka tsesek, nyeseng yin be agap.

aRom 9:23

A nye anong nong a tà tonong agbang kuyiik wu natoon áya wu ta ro̱ riye̱ ba, aya wu tá tsang a sak kum ni ime̱se̱ng'e nong a ta se̱ kuyiik wu.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

Afisa 1:7

Kamok wu Adakunom ti sheshek yir be kunyosong naso̱k aYeso, ne yir se̱ yir kure̱ng rine̱n. A nye anong kamok agbang ritek wu,

Ibrani 11:34

á riming icen kuro̱ng, awe̱n ti nye ike̱ng ikak natoon ba baꞌ. Á kirik kuyo̱mo̱ng ba ku tá te agap, á kpa agap naro̱ itso̱m á tá ro̱ ámudo̱n ba.

1 aBitrus 3:4

Won izem yin tu ne kaye̱e̱r aye̱ yin ingya, izem i tana gang baꞌ kyo̱ndi kumees rice ne kuse tatan, iyong ne i nye iyiik'e dide̱ng nasho̱o̱n Adakunom.

Afisa 2:7

Adakunom nye anong, nong ase̱ a tà tonong izam ife i tana be̱ kuri ritek riya sang ri ta be igak baꞌ. A ti tonong yir anong kamok ritek wu kaye̱e̱r aYeso Kiristi.

aRom 2:29

Aner aYahuda afe katsak ne a nye aya a ta nye áner aYahuda kaye̱e̱r riye̱ wu, izhak ife katsak nye izhak ife Kabik ta nye kaye̱e̱r riye̱, sang ife Itsi aMusa baꞌ. Adakunom ne a kerek aner kuri ayong sang anerawe baꞌ.

Afisa 3:15

wu aya a ta nye koakye irem naza be kaben cice̱r.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.