Afisa 3:11 - Izere New Testament

¹¹ Iyong se tite̱re̱ be kushim riye̱ Adakunom kuya a tá nye kanye̱k'e kum nizham a ta ra nye kazatse, a shining be Agwo̱m Ágwo̱m yir aYeso Kiristi.

Afisa 3:11 Referans Kwoze

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

Afisa 1:11

Kamok wu ne Adakunom tsang a ni kasa yir nong ta te yir afu. Wu ne a nye koakye kyo̱ndi riye̱ wu ta shim.

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

aRom 9:11

Kum ne an tsang a tes Isuwa be aYakub baꞌ ka kum ne ba tsang an nye ike̱ng ikak itek ka imaan'e baꞌ, Adakunom fe̱ be aRifkatu ye, “Igon kako'me tà nye kawusong'e itomong.” Adakunom fe̱ anong nong a ta tonong ye aner a tana kasa a tu ku kasa kamok kushim Adakunom sang kamok itomong aner'e.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

Afisa 3:1

Kamok anong, mi aBulus a min te nitso̱m kamok aYeso aKiristi ne kamok yin áya sang yin ta nye yin áner aYahuda baꞌ.