Afisa 3:1 - Izere New Testament

¹ Kamok anong, mi aBulus a min te nitso̱m kamok aYeso aKiristi ne kamok yin áya sang yin ta nye yin áner aYahuda baꞌ.

Afisa 3:1 Referans Kwoze

aKolosi 1:24

Mi be riye̱ rikan kyo̱o̱rna be risam mi ta so̱ natoon yin, nong kamok risam'me mi tà shining ike̱ng iya i tà rusek kaye̱e̱r risam aKiristi tá so̱ kamok kuro̱m wu ku ta nye ikilisiya.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

Afisa 6:20

Kamok Rife̱ Ritek na ne mi te aner kutom, aya a ta se kaye̱e̱r izining. Nye yin aduwa nong ase̱ nizen iya mi ta sen taas kutom'e mi ta taas dar inyim kyo̱ndi mi ta shim.

aFilimon 1:9

Amma kamok mi ta ka shim, mi shim ta ka nye akusuk, mi aBulus, mi tá nye asho̱n ne i bun i se nitso̱m kyo̱o̱rna kamok aYeso Kiristi.

aFilipi 1:7

I se gye̱r mi ta to̱ natoon yin cice̱r anong, kamok yin se yin riye̱ mi, kamok yin cice̱r gung yin rice be mi kaye̱e̱r ritek Adakunom. Mi ta se nitso̱m ka mi ta sen te̱ne̱ng ne i ti nyeseng ye Rife̱ Ritek'e nye katsak.

aFilimon 1:1

Mi, aBulus, aya a tin te nitso̱m kamok aYeso Kiristi ne aronyining yir aTimoti ne i ta zibir wan kufumung na aFilimon, agbang aferime̱ yir ne i bun i nye aferime̱ itomong yir.

Itomong Ámanzo 23:18

A tseng be acam ame nufe aritek ba. Ne a fe̱ ye, “aBulus aya a tá se nuwhe̱e̱n nitso̱m ne a tom nunaan ye mi ru ku be̱e̱n be acam na nufuan kamok a be ike̱ng ikak a tana ka tak.”

aLuka 21:12

“Nizham a ta ra nye ike̱re̱ na, a tà ka yising yin, ne a ka tabak yin dide̱ng. A tà tseng be yin natu aduwa áner aYahuda ne a ka te yin nitso̱m ne á tseng be yin nufe ágwo̱m ne áko̱k kasho̱o̱n kamok mi.

aFilimon 1:23

Abafaras afudang'i, i ta se yir nitso̱m mak kamok aYeso Kiristi, ta nye yin ashou.

Itomong Ámanzo 26:29

Ayong aBulus fe̱ ye, “I ta sok izen ka i ta sok izen baꞌ, mi nye aduwa be Adakunom ye sang wan, wan ze̱e̱r baꞌ, amma koangan a ta sen ni foos katuur ta te kyo̱ndi mi, sang nurosom ana baꞌ.”

2 aTimoti 1:16

Won Agwo̱m Ágwo̱m tu ro̱ riye̱ áfekasa aOnesiforus, kamok koakye izen a yiir ni tsesek a fok isum ye mi se nitso̱m baꞌ.

aKolosi 4:18

Mi aBulus ne i zibir ashou na be kubo̱k'i, tu tiburum yin ye mi na aze nitso̱m baꞌ. Ritek Adakunom se mak be yin.

aKolosi 4:3

Nye yin aduwa kamok yir gip, nong ase̱ Adakunom tin karak yir iren kutaas rife̱ wu nong ta taas yir kanye̱k aKiristi kaya ka ta se nune̱re̱ng kafe sang akak ta ren baꞌ, kamok anong ne a min te nitso̱m.

2 aKoranti 11:23

Ke ba di ye ba nye ásam aKiristi, mi tu nar ba! (Mi fe̱ kyo̱ndi aner aya rice ta kirik so̱!) Mi n nye itomong ne i ka nar ba, a min tes nitso̱m ne a toos'e, ne a ni whereng dide̱ng, mi n dis riku niren ze̱r ze̱r.

2 aKoranti 10:1

Mi aBulus be rice mi, mi ta nye yin izong, mi aya ánerawe ti sok ye, “Aner kumees rice” ke mi se mak be yin, amma “Aner ku firik ánerawe” ke mi se be yin baꞌ. Mi ta nye yin izong kaye̱e̱r kumees rice be kuse kutatan aKiristi,

Itomong Ámanzo 21:33

Aritek asozha'me be̱ bubarak a tú ku yiir ne a sak a tu ku rosom be idun atso̱m ifa. Ne a rip ye a nye angan e̱? A nye akye̱ e̱?

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

Afisa 3:13

Kamok anong, mi ta nye yin akusuk ye, sang tu ku bun yin kama kamok yin ta di yin kuri risam mi ta so̱ kamok yin baꞌ. Katsak'e, risam'me ta ka be̱e̱n yin kuyiik.

aGalati 5:11

Ároneng, ke mi ru nye awazi natoon kunye izhak, to̱, akye̱ sak a ta ru ni tabak e̱? Ke i nye ye anong, i nye ye Rife̱ Ritek mi ta fe̱ natoon riku aKiristi nakon ta sak akak tin tu atak baꞌ.

aGalati 5:2

To̱, yin di yin wa! Mi, aBulus, ne i fe̱ be yin, ke yin shim a ta ka nye yin izhak i nye ye yin se̱ yin ike̱ng ikak nufe aKiristi baꞌ.

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

2 aKoranti 1:6

Ke yir so̱ yir risam, yir so̱ yir nong yin tin se̱ yin kutsesek ne kashesh. Ke yir se̱ yir kutsesek, i se̱ yir kamok yin nong yin ta kyem i naka tsesek yin be kuri risam yir ta so̱ yir.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

Afisa 3:11

Iyong se tite̱re̱ be kushim riye̱ Adakunom kuya a tá nye kanye̱k'e kum nizham a ta ra nye kazatse, a shining be Agwo̱m Ágwo̱m yir aYeso Kiristi.