Afisa 2:8 - Izere New Testament

⁸ Ei, kamok ritek Adakunom ne yin ti se̱ yin kashesh ne kamok kuno̱o̱k katsak yin, sang kamok kunye yin baꞌ, amma Adakunom ne a no̱o̱k,

Afisa 2:8 Referans Kwoze

Afisa 2:5

iyong sak kun ne yir ru nye yir ikom'e kamok rine̱n yir, ne i sor yir be kutser mak be aKiristi. Kaye̱e̱r ritek wu ne yir ti se̱ yir kashesh.

aRom 4:16

Kamok anong ánerawe se̱ ike̱ng iya Adakunom tin no̱o̱k kamok kuno̱o̱k katsak ba nong ase̱ ike̱ng iya Adakunom tin no̱o̱k kuto̱'me ta se warak. Inoon Ibrahim cice̱r ta se̱ ike̱ng iya Adakunom tin no̱o̱k kuto̱'me. Ike̱ng iya Adakunom tin no̱o̱k kuto̱ nye ife áner aya a ta kuus Itsi baꞌ, i nye ife koangan aya a tin no̱o̱k katsak kyo̱ndi Ibrahim aya a tá nye Ada yir cice̱r.

aRom 10:17

Kamok anong, a ti no̱o̱k katsak rife̱ ke a fok rife̱'me. A fok rife̱'me nizen iya a ta nye awazi Rife̱ Ritek natoon aKiristi.

Itomong Ámanzo 16:31

Ayong aBulus be aSila ame fe̱ be wu ye, “Ni no̱o̱k katsak na Agwo̱m Ágwo̱m yir aYeso, wan ta se̱ kashesh wan be áfekari wan peer.”

aYohana 6:37

Koangan afe Ada tin no̱o̱k, a tà be̱ nunaan. Aner aya afe a ta be̱ nunaan, mi tù ku ro baꞌ.

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aYohana 4:10

aYeso tú shim'me ye, “Ke a fa fe̱ ye wan ren kunang Adakunom ne aya a ta ka rip ashi na, ke wan tú ku rip, a ta ka no̱o̱k ashi aya a tà no̱o̱k kutser.”

aLuka 7:50

Ne aYeso fe̱ be abining'e ye, “Kuno̱o̱k katsak wan ma ka shesh, tseng caang.”

aMarkus 16:16

Aner aya ne a ti no̱o̱k katsak, a tu ku nye abatisma a ta se̱ kashesh. Amma aner aya ne a gaar ku ni no̱o̱k katsak, a tù ku to̱ amok.

aYohana 3:36

Koangan ne a tin no̱o̱k katsak ni Igon'e, a be kutser kufe izen izen. Amma afe a ta rawu Igon'e, a tà se̱ kutser'ong baꞌ, kamok riye̱ kubeseng Adakunom se rice wu.”

aRom 4:5

To̱, aner aya ne a ti fereng ni itomong wu baꞌ, amma a ti fereng na Adakunom, aya afe a ta sak amaan aner ta te gye̱r nasho̱o̱n wu, kuno̱o̱k katsak kuri kuyong tà sak a tù ku sok kyo̱ndi aner a ta se gye̱r nasho̱o̱n Adakunom.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

aGalati 3:22

Amma kufumung rife̱ Adakunom fe̱ ye rine̱n zim ánerawe kazatse na cei, nong ase̱ ike̱ng Adakunom ta tsang a ni no̱o̱k kuto̱, iya i ta be̱ kamok kuno̱o̱k katsak na aYeso Kiristi, iya Adakunom ta no̱o̱k aya a ti no̱o̱k katsak.

Itomong Ámanzo 13:39

Mi shim ke yin ren yin ye kamok wu ne koangan azining afe a tin no̱o̱k katsak ni wu ta se̱ kashesh kaya Itsi aMusa ta kyem i no̱o̱k baꞌ.

aGalati 3:14

aKiristi ti shesh yir nong áner áfe a ta nye áner aYahuda baꞌ ta se̱ ritek a ta no̱o̱k Ibrahim kamok aYeso Kiristi. Be kuno̱o̱k katsak yir, yir ta se̱ yir Kabik Kazhe̱l'e Adakunom ta tsang a no̱o̱k kuto̱ ye wu tin no̱o̱k yir.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

aYohana 6:35

Ayong aYeso fe̱ be ba ye, “Mi ne i nye naya naya na ta nyesek kutser. Aner aya a ta be̱ nunaan, a ba tà fok izong baꞌ. Aya a ti no̱o̱k katsak natoon'i, a tà ba fok kuto̱ kukoor baꞌ.

Afisa 1:19

Mi bun i nye aduwa ye yin ta ren yin agbang kukyem wu kufe áya a tin no̱o̱k katsak. Kukyem kuya ku ta nye itomong kaye̱e̱r yir se kuzining be kuyu.

Itomong Ámanzo 14:27

Á tá fa se no̱ na Antakiya'me ne á tusung áfikuus á ta ka taas ba ike̱re̱ iya Adakunom tan nye nubo̱k ba. Á tá taas ba kuri iren iya Adakunom tá karak nong ase̱ áner aya a tá nye áner aYahuda baꞌ tin no̱o̱k katsak.

aYohana 6:65

Iyong a ya kasho̱o̱n be rife̱ ye, “Iyu ne i sak mi tá ka tak yin ye, akak ta kyem a be̱ nunaan baꞌ, ma ke Ada'me tú se̱ mo.”

aKolosi 2:12

Kamok nizen iya a tá ka nye yin abatisma ne a tá ne̱r yin mak be aKiristi ne a bun a ka dorok yin mak be wu kamok kuno̱o̱k katsak yin kaye̱e̱r kukyem Adakunom aya a tú ku dorok nure̱k be kutser.

aYohana 6:44

“Akak ta kyem a be̱ nunaan baꞌ, ma ke Ada'me a tin tom ne a tu ko̱ro̱k, ne mi ku dorok be kutser katuk igang'e.

1 aBitrus 1:5

Yin aya kamok kuno̱o̱k katsak yin, Adakunom kaye̱e̱r agbang kukyem wu ta ka fek yin ma yin se̱ yin kashesh na a tana tun katuk igang'e nong koangan tà di.

aFilipi 1:29

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip,

aRom 10:14

To̱, ane̱ ne ba ta yis aner aya afe sang ba tin no̱o̱k katsak baꞌ e̱? A ta nye ane̱ á tin no̱o̱k katsak na aner aya ba ta kum ku fok baꞌ e̱? Ne á nye ane̱ á ta fok ke akak tu ku nye ba awazi baꞌ e̱?

aMatiyu 16:17

aYeso fe̱ be wu ye, “aSiman igon aZhona, wan nye aner riye̱ rikan kamok sang anerawe ne a ta tonong iyu baꞌ, ma ke Ada mi afe a ta se kaye̱e̱r kaza ne a ta ka tonong.

Itomong Ámanzo 16:14

Abining akak kaye̱e̱r áya afe a tin foos yir nye aLidiya. A nye abafe aTiyatira'me, a re̱e̱s ares a ta be itso̱m, a be inyim Adakunom.

2 aTasalonika 1:9

Á tù ku te̱n ba amok riku rife izen izen, á tù ku ro ba nasho̱o̱n Agwo̱m Ágwo̱m'me ne nasho̱o̱n kukyem kuyiik wu.

Itomong Ámanzo 15:11

Yir ti no̱o̱k yir katsak ye a min shesh yir kamok ritek Agwo̱m Ágwo̱m yir aYeso, anong ne ba gip.”

aRom 9:16

To̱, sang i se ye, ike̱ng anerawe ta shim ka kuren kunye wu baꞌ, amma ritek Adakunom tsek.

Ibrani 6:4

Áya á ta tsang á ren akanang'e, á tan fok kunang Adakunom, áya a ta gung rice be Kabik Kazhe̱l'e,

aMatiyu 20:9

“Áfe a tá be̱ nabas itso̱m itoon, koangan ba shan itso̱m kuwoso.