Kaye̱e̱r áfikuus, Adakunom kasa ámanzo a ta te áfe ime̱se̱ng'e, afe afa nye áner kuzarap, afe ataar nye áfe kubo̱so̱p ánerawe'me. Ákak nye áfe kunye itomong azhing, ne áfe kusak áfe iro̱k ta te atser, ne áfe a tana tobok ánerawe. Ne ákak áfe kube ánerawe, nigang'e áfe a tana fe̱ ni írem iduk.
aYeso fe̱ be ba ye, “Aser, yin fa yin kaye̱e̱r rife̱ Adakunom aꞌa? “ ‘Kuta kuya áfe rino̱k tá raba kuyong ne ku te itsik ribor'e. Adakunom ne a nye anong. Iyu nye ike̱ng azhing nufe yir.’
aYakub be aBitrus ne aYohana áya a ta sor itsik'e ti shan be aBarnabas ibo̱k ifa nizen iya ba tá di ritek Adakunom tin no̱o̱k yir. Á shim ye yir ri tseng yir nufe áner aya a ta nye áner aYahuda baꞌ, nong ba ta tseng nufe áner aYahuda.
Nyeseng yin be agap natoon wu, a ta nye ribor'e ne i ni barang yin kurasak kaye̱e̱r kuno̱o̱k katsak yin, kyo̱ndi a tá ka bo̱so̱p yin'e ne i tonong yin riye̱ rikan dide̱ng.
Kamok i se ni izibir ye: “Di yin mi n kasa ayiik kuta, kuya ku ta nye itsik ritin kasa mi. Mi sak kaye̱e̱r aSihiyona. Koangan afe a tin fereng nuta na, a tà ba fok isum baꞌ, ko, cie̱k.”