Afisa 2:15 - Izere New Testament

¹⁵ A wobok Itsi áner aYahuda'ong be itsi wu ne igo̱o̱n wu be riku. A nye anong be kutes iri ifa'ong nong a tá se̱ kutes kuzining kufas. A nye anong, nong a ta be̱e̱n kusor caang natite ba.

Afisa 2:15 Referans Kwoze

aKolosi 2:14

A birik izibir a tá tsang zibir natoon rine̱n yir, a sok a ta tigak natoon kukon a tú ku tigak mo.

aGalati 3:10

An fiming cei áfe a tin fereng ni ikuus Itsi aMusa, kamok i se ni izibir ye “An fiming koangan áfe a ta won dar á yiir nye koakye ike̱ng i ta se ni izibir kaye̱e̱r kufumung Itsi aMusa'me baꞌ.”

Ibrani 8:13

Kum Adakunom tá fe̱ ye rife̱ kushu na nye “Kufas,” kufe ime̱se̱ng'e te kuzen. Ike̱ng iya i tan te izen ta gor ne i gang.

aKolosi 3:10

nong i ta sok yin kuse kufas. Iyu ne i nye aner afas, aya Adakunom, aner a ta nye'me, yiir shishing'e nong a tu ku tas nong a ta sak yin tù ku ren yin dide̱ng.

aKolosi 2:20

Kum i tá kus yin mak be aKiristi ma yin kam yin be kukuus amaan nabik kazatse na, akye̱ sak yin bun i ru sor yin kyo̱ndi yin ru bun i kuus yin kazatse'me e̱?

aGalati 6:15

Ke kunye izhak be ku won dar kunye'me nye ike̱ng ikak baꞌ, ike̱ng iya i ta nye igbang'e nye nong ta te aner afas.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

Afisa 4:16

Wu ne a gung ikap kuro̱m'e cei, kuro̱m'e sor nagung kamok koakye ifun be ikap kuro̱m'e rasak ne i no̱k rice wu kaye̱e̱r kushim kamok koakye ikap kuro̱m'e ta nye itomong wu.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

Ibrani 7:16

Aya a ta te atsi sang natoon igo̱o̱n átukop wu baꞌ, amma natoon kukyem kutser kufe ku tana sor ma izen izen.

Ibrani 9:23

Nizen iyong, a nye anong be ike̱re̱ ife i tá tas ife kaza nong i tà te zhe̱l. Amma ike̱re̱ kaza'me ta te zhe̱l be asidaka aya a ta nar ayu.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

Afisa 2:14

Kamok aKiristi be rice wu ne a ti be̱e̱n yir kusor caang, wu ne a sak áner aya a ta nye áner aYahuda be áya sang á ta nye áner aYahuda baꞌ, ta te azining. Kubar ku tá se natite ba, a yirik, ku tá nye ku won dar ku naka shim.

Afisa 2:16

Kyo̱ndi kuro̱m kuzining a tu bun be ba cice̱r afa'ong nufe Adakunom. A nye anong be riku wu natoon kukon nong a tà tun rifub ri ta se natite ba.

aKolosi 3:11

Kamok anong sang tu ye̱re̱k yin ye áner aYahuda se ze̱e̱r be áner aya sang á ta won dar á nye áner aYahuda baꞌ. Áya a tá mu ku nye ba izhak ka áya a tá won dar a ka nye ba izhak baꞌ. Aner aya a ta nye kye̱re̱ se ze̱e̱r be aner aya a ta won dar a karak rice baꞌ. Asam se ze̱e̱r be igon kari baꞌ, kamok aKiristi ne a nye koakye ne a se kaye̱e̱r koakye.

aKolosi 3:15

Won kameneng riye̱ aKiristi tin nye rigwo̱m kaye̱e̱r aye̱ yin. Kamok kyo̱ndi kuro̱m kuzining ne a tá yis yin nong ta sor yin áfe caang. Sor yin áfe kunye riye̱ rikan be Adakunom koakye izen.