Afisa 2:14 - Izere New Testament

¹⁴ Kamok aKiristi be rice wu ne a ti be̱e̱n yir kusor caang, wu ne a sak áner aya a ta nye áner aYahuda be áya sang á ta nye áner aYahuda baꞌ, ta te azining. Kubar ku tá se natite ba, a yirik, ku tá nye ku won dar ku naka shim.

Afisa 2:14 Referans Kwoze

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

aKolosi 3:11

Kamok anong sang tu ye̱re̱k yin ye áner aYahuda se ze̱e̱r be áner aya sang á ta won dar á nye áner aYahuda baꞌ. Áya a tá mu ku nye ba izhak ka áya a tá won dar a ka nye ba izhak baꞌ. Aner aya a ta nye kye̱re̱ se ze̱e̱r be aner aya a ta won dar a karak rice baꞌ. Asam se ze̱e̱r be igon kari baꞌ, kamok aKiristi ne a nye koakye ne a se kaye̱e̱r koakye.

aKolosi 3:15

Won kameneng riye̱ aKiristi tin nye rigwo̱m kaye̱e̱r aye̱ yin. Kamok kyo̱ndi kuro̱m kuzining ne a tá yis yin nong ta sor yin áfe caang. Sor yin áfe kunye riye̱ rikan be Adakunom koakye izen.

Afisa 2:15

A wobok Itsi áner aYahuda'ong be itsi wu ne igo̱o̱n wu be riku. A nye anong be kutes iri ifa'ong nong a tá se̱ kutes kuzining kufas. A nye anong, nong a ta be̱e̱n kusor caang natite ba.

aKolosi 1:20

Kamok wu ne Adakunom bun a tu ku bun be ike̱re̱ wu tá nye cice̱r nufu, ike̱re̱ i ta se kaye̱e̱r kazatse be kaye̱e̱r kaza. A ti be̱e̱n yir kameneng riye̱ be kunyosong naso̱k Igon wu natoon kukon.

aKolosi 2:20

Kum i tá kus yin mak be aKiristi ma yin kam yin be kukuus amaan nabik kazatse na, akye̱ sak yin bun i ru sor yin kyo̱ndi yin ru bun i kuus yin kazatse'me e̱?

aRom 5:1

Kamok anong kum yir tan se̱ yir kute gye̱r nasho̱o̱n Adakunom kamok kuno̱o̱k katsak yir, yir sor yir caang be Adakunom kamok Agwo̱m Ágwo̱m yir, aYeso Kiristi.

Itomong Ámanzo 10:36

Rife̱ Adakunom tá tom áner Isarela'me nye itak kutaas Rife̱ Ritek rife̱ ne kusor kutek kaye̱e̱r aYeso Kiristi Agwo̱m Ágwo̱m yir cice̱r.

Itomong Ámanzo 10:28

Ayong a fe̱ be ba ye, “Yin ren yin tse̱ng tse̱ng ye i nye rine̱n kaye̱e̱r itsi yir áner aYahuda tana nye rifertseng ka a ta tseng ritsen nasa aner a sang a ta nye aner aYahuda baꞌ. Amma Adakunom rin tonong ye sang mi tu yis aner akak ye a won dar a se zhe̱l ka ye a be narik baꞌ.

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

aLuka 2:14

“Kuyiik nye kufe Adakunom aza kaye̱e̱r kaza, nazatse kameneng riye̱ kuse nufe áner áfe wu ta shim.”

aYohana 10:16

Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

aLuka 1:79

nong ku ta tonong áfe a ta se kaye̱e̱r awhi be áfe a ta se na nawu riku akanang. Ne a ni tonong yir iren i ta be̱ be kameneng riye̱.”

Ibrani 7:2

Ibrahim tú no̱o̱k ike̱ng izining kaye̱e̱r koakye ike̱ng kuso̱k a tá ya naro̱ itso̱m'e. Ife ime̱se̱ng'e, riyerek wu nye “Agwo̱m katsak.” Riyerek wu a ta yis ye “Agwo̱m aSalim'ong” sor ye, “Agwo̱m kusor caang.”

Afisa 4:16

Wu ne a gung ikap kuro̱m'e cei, kuro̱m'e sor nagung kamok koakye ifun be ikap kuro̱m'e rasak ne i no̱k rice wu kaye̱e̱r kushim kamok koakye ikap kuro̱m'e ta nye itomong wu.

Afisa 3:15

wu aya a ta nye koakye irem naza be kaben cice̱r.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

aYohana 11:52

Sang kamok áner aYahuda tsek baꞌ, amma nong a tà tusung áner Adakunom aya a tá te shaam tà te azining.

Afisa 2:17

A be̱ a tà ka taas yin, áya sang i ta nye yin áner aYahuda baꞌ, ne yin áner aYahuda Rife̱ Ritek rife̱ kusor caang.