Afisa 2:12 - Izere New Testament

¹² Yiring yin nizen iyong, yin tsang i se yin mak be aKiristi baꞌ, a ta sok yin ye yin nye yin áner Isarela baꞌ, ye, yin be yin ike̱ng ikak kaye̱e̱r kushu Adakunom tá nye be átukop yir baꞌ. Kaye̱e̱r kazatse na yin se yin dar kute riye̱ ne yin be yin Adakunom baꞌ.

Afisa 2:12 Referans Kwoze

aGalati 4:8

Nizen iya yin ta tsang i ren yin Adakunom baꞌ, yin nye yin ásam nike̱re̱ iya nuse ba i ta nye Adakunom afe katsak baꞌ.

aKolosi 1:21

Gbugbang, yin tsang i se yin gugo̱k be Adakunom ma i te yin ámudo̱n wu kaye̱e̱r aye̱ yin kamok amaan kunye yin.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

1 aTasalonika 4:13

Amma kikyo̱o̱r name ároneng, yir shim yin tu sor yin dar kuren natoon áya a tá mereng ida kaye̱e̱r aYeso baꞌ, nong yin ta nye yin riye̱ riwe kyo̱ndi ribir ánerawe áya sang á ta be ike̱ng iya ba ta min te riye̱ baꞌ.

Afisa 4:18

Kuren ike̱ng ba se whi ne á be kutser kufas kuri kuya Adakunom ta nyesek baꞌ, kamok kuri agbik rice ba ta be ne kushonong ba.

1 aTasalonika 4:5

Sang be rinyisi rikan baꞌ, kyo̱ndi áfe a ta se nurin áfe sang á ta ren Adakunom baꞌ.

aYohana 15:5

“Mi ne i nye ritin kakon anap'e, yin nye yin íwhang'e. Aner aya a sor kaye̱e̱r'i ne mi ma se kaye̱e̱r wu, wu ne a tà tes dide̱ng. Kamok sang ke be mi baꞌ, yin tà kyem i nye yin ike̱ng ikak baꞌ.

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

aRom 9:8

Iyong ne i sak inoon a ta se̱ nuro̱m ne na nye inoon Adakunom baꞌ, amma naya á tin no̱o̱k kuto̱ natoon'e ne á nye inoon nafe katsak.

1 aBitrus 3:15

Amma won yin aKiristi tu te Agwo̱m Ágwo̱m kaye̱e̱r aye̱ yin. Koakye izen sor yin be kanye̱k nong ta kyem i tak yin koangan ike̱ng i ta sak yin tin te yin riye̱ nikuus aKiristi. Amma nye yin kaye̱e̱r awhiwhe̱ ne ku yiik,

Itomong Ámanzo 28:20

Kamok anong ne mi fe̱ ye, mi shim ta ka di yin nong ta fe̱ kanu be yin. A min rosom aze na be atso̱m kamok kute riye̱ aner Isarela ta min te ni wu.”

Itomong Ámanzo 3:25

Yin nye yin inoon áner kuzarap, yin ne i nye yin áner aya a tana ya kutse kushu kuya Adakunom átukop. A fe̱ be Ibrahim ye, ‘Anerawe kazatse na cice̱r ta se̱ ritek kamok kuri wan.’

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

Ibrani 11:34

á riming icen kuro̱ng, awe̱n ti nye ike̱ng ikak natoon ba baꞌ. Á kirik kuyo̱mo̱ng ba ku tá te agap, á kpa agap naro̱ itso̱m á tá ro̱ ámudo̱n ba.

1 aTimoti 1:1

Mi, aBulus, amanzo aYeso Kiristi, nu kushim Adakunom, Aner Kashesh yir, ne aYeso Kiristi aya yir ta min te yir riye̱,

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

aKolosi 1:5

Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

aYohana 10:16

Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

aYohana 4:22

Yin áfe aSamariya, yin ya yin ike̱ng ife yin tu ku ren yin baꞌ iben, amma yir ya yir aner afe yir ta ren yir iben, kamok kashesh na ne nufe afe aYahuda.

aLuka 1:72

A fok kuro̱ riye̱ áda yir, ne a yiring be rife̱ wu rizhe̱l'e riya sang a tana bur baꞌ,

Itomong Ámanzo 2:39

Adakunom fe̱ ye wu tà ka no̱o̱k, Kabik Kazhe̱l'e, kamok yin be inoon yin ne áner aya a ta se gugo̱k, ne áya Agwo̱m Ágwo̱m yir Adakunom tana ku yis ba.”

Afisa 2:19

Kamok anong, kyo̱o̱rna yin ba nye yin átsen ka áner aduk baꞌ, amma yin te yin azining be áner Adakunom ne ribir áner kasa Adakunom'me.

Ibrani 8:6

Itomong aYeso tá nye se yiik ne i nar ifuba cei, kyo̱ndi kushu kufas wu tin no̱ natite ánerawe be Adakunom ta nar kuse yiik. Ike̱re̱ Adakunom tá fe̱ ye a ta nye nar kunye itek gip.