Afisa 1:9 - Izere New Testament

⁹ Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

Afisa 1:9 Referans Kwoze

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

Afisa 1:11

Kamok wu ne Adakunom tsang a ni kasa yir nong ta te yir afu. Wu ne a nye koakye kyo̱ndi riye̱ wu ta shim.

Afisa 3:11

Iyong se tite̱re̱ be kushim riye̱ Adakunom kuya a tá nye kanye̱k'e kum nizham a ta ra nye kazatse, a shining be Agwo̱m Ágwo̱m yir aYeso Kiristi.

aGalati 1:12

Mi se̱ nufe akak, ka akak ne a ti bo̱so̱p'e baꞌ, amma aYeso Kiristi be rice wu ne a ti tonong.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aRom 8:28

Yir ren yir kaye̱e̱r koakye, Adakunom nye gye̱r kamok áya a tu ku shim áya a ta ma ka yis ba kaye̱e̱r kanye̱k wu.

aGalati 1:16

nong a tin karak anyisi nong tá ren Igon wu aYeso, nong ase̱ mi ta nye awazi Rife̱ Ritek natoon wu nufe áner aya sang á ta nye áner aYahuda baꞌ. A tá nye anong sang mi tse̱r ibo̱ro̱ng nufe akak baꞌ.

Itomong Ámanzo 13:48

Áner áya a ta nye áner aYahuda baꞌ ta fa fok anong ne aye̱ ba kare̱p ne á tiyiik rife̱ Adakunom. Áner áya Adakunom ta tsang a kasa nong á ta se̱ kutser kufe izen izen ti no̱o̱k katsak.

aMatiyu 13:11

aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

Itomong Ámanzo 4:28

Ba nyim á ta nye ike̱ng iya wan tan sak ta nye kaye̱e̱r kuyiik be kukyem wan.

Itomong Ámanzo 2:23

Adakunom tsang a ni sak kaye̱e̱r kushim wu ye a ta no̱o̱k aYeso nubo̱k yin, ámaan aner ta ka se̱ mo yin nong yin tú ku tigak yin nukon, a tá ku.

aLuka 2:14

“Kuyiik nye kufe Adakunom aza kaye̱e̱r kaza, nazatse kameneng riye̱ kuse nufe áner áfe wu ta shim.”

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

aRom 11:25

Mi shim yin tu sor yin dar iren yin ike̱re̱ i ta se nune̱re̱ng'ong baꞌ, ároneng, nong fan i bu kaa yin. Kushonong san'e be áner Isarela ákak ma izen iya Adakunom ta kasa cice̱r áya sang a ta nye áner aYahuda baꞌ ta be̱ niren Adakunom.

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.

aGalati 1:15

Amma Adakunom kaye̱e̱r ritek wu ti kasa kum ne a min tes baꞌ, a bun a ti yis, ma a shim

Afisa 1:8

riya a tin no̱o̱k yir nawarak be kukyem ne kuren ike̱ng cice̱r.