Afisa 1:7 - Izere New Testament

⁷ Kamok wu Adakunom ti sheshek yir be kunyosong naso̱k aYeso, ne yir se̱ yir kure̱ng rine̱n. A nye anong kamok agbang ritek wu,

Afisa 1:7 Referans Kwoze

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

aRom 3:24

Amma kamok ritek Adakunom tá nyesek warak a sak koangan se̱ ku te gye̱r nasho̱o̱n wu kamok kashesh kaya aYeso tá be̱e̱n'e.

aKolosi 1:14

Kamok wu ne yir tin se̱ yir kashesh a tin re̱ng yir rine̱n yir.

Ibrani 9:22

Katsak'e, Itsi shim ye a ra kusu koakye ike̱ng be naso̱k, kamok ke a nyosong naso̱k baꞌ, a ta kyem a re̱ng rine̱n baꞌ.

aMatiyu 26:28

Iyu ne i nye naso̱k'i, nafe kushu kufas na, aya a tana nyosong kamok ánerawe whe̱re̱ nong a tin re̱ng rine̱n ba.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

1 aYohana 2:12

Mi ta zibir yin'e, aya i ta ru nye yin inoon nabik kamok a ma ka re̱ng yin rine̱n yin, kaye̱e̱r riyerek aYeso.

aFilipi 4:19

Adakunom mi tà ka no̱o̱k yin koake̱ yin ta tse̱r yin kaye̱e̱r kuyiik wu kuwhe̱r'e kaye̱e̱r aYeso Kiristi.

Afisa 2:7

Adakunom nye anong, nong ase̱ a tà tonong izam ife i tana be̱ kuri ritek riya sang ri ta be igak baꞌ. A ti tonong yir anong kamok ritek wu kaye̱e̱r aYeso Kiristi.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

Afisa 3:16

Mi nye aduwa ye kaye̱e̱r agbang kuyiik wu, a ta ka tsesek yin be kukyem wu, nong ta sor yin be agap kaye̱e̱r aye̱ yin kamok Kabik wu,

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

aRom 2:4

Ka wan zhe̱e̱sh agbang ritek Adakunom be kutsesek wu ne kuse whiwhe̱ wu e̱? Wan ren ye ritek Adakunom tá sak wan tá shishing kuse wan aꞌa?

1 aYohana 2:2

Wu ne a nye asidaka kure̱ng rine̱n yir. Kamok yir tsek baꞌ, amma ánerawe kazatse cei.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

Itomong Ámanzo 10:43

Áner kuzarap cice̱r taas rife̱ natoon wu ye, koangan aya a tin no̱o̱k katsak ni wu a tu ku re̱ng rine̱n kaye̱e̱r riyerek wu.”

aYohana 20:23

Koangan ne yin tù ku re̱ng yin rine̱n wu, i nye ye a tù ku re̱ng'e. Koangan ne yin tu ku re̱ng yin'e baꞌ, to̱, i nye ye a mu ku re̱ng'e baꞌ.”

aMarkus 14:24

Ne a fe̱ be ba ye, “Iyu ne i nye naso̱k mi. Naso̱k kushining kushu kufas. A ta nyosong kamok ánerawe whe̱re̱.

aTitus 3:6

Kabik Kazhe̱l yong ne a ti korok natoon yir ne̱k kamok ike̱ng iya aYeso Kiristi Aner Kashesh yir tá nye.

1 aTimoti 2:6

Wu ne a no̱o̱k rice wu nong a tá sheshek ánerawe cice̱r, ike̱ng ife Adakunom ta tak kazatse nizen i tá se gye̱r'ong.

aKolosi 2:13

Nizen iya yin ta se yin kyo̱ndi ikom'e kaye̱e̱r rine̱n yin be kuwon dar kunye izhak ife kuse yin kufe rine̱n, Adakunom sak yin bun i te yin atser kaye̱e̱r aKiristi. A ti re̱ng yir rine̱n yir cei.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

Afisa 2:4

Amma Adakunom be kuro̱ riye̱ dide̱ng, kushim wu natoon yir se makiyi,

aRom 9:23

A nye anong nong a tà tonong agbang kuyiik wu natoon áya wu ta ro̱ riye̱ ba, aya wu tá tsang a sak kum ni ime̱se̱ng'e nong a ta se̱ kuyiik wu.

Itomong Ámanzo 3:19

Kamok anong, shishing yin kuse yin tu ku bun yin nufe Adakunom nong ase̱ a ta ka re̱ng yin rine̱n yin. Yin ta se̱ yin agap afe Kabik nufe Agwo̱m Ágwo̱m,

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aLuka 1:77

A tà no̱o̱k ánerawe wu kuren itak kashesh kaye̱e̱r kure̱ng rine̱n ba,

Ike̱ng a ta tonong aYohana 14:4

Áner na ne a nye áner aya á ta won rice ba zhe̱l, á kon tseng gbugbarak be aner abining baꞌ. Ba ne á tsang a kuus Aturuk'e koake̱ ne a tseng. A tu ku sheshek ba kaye̱e̱r ribir ánerawe ne ba se kyo̱ndi ku tes kakon kufe ime̱se̱ng'e kuya a ta no̱o̱k Adakunom be nasho̱o̱n Aturuk'e.

Afisa 1:6

A nye anong, nong yir tà kerek yir kuyiik ritek wu, riya wu tin no̱o̱k yir nawarak kamok Igon wu kaya wu ta shim.

aMatiyu 6:12

Ni re̱ng yir rine̱n yir, kyo̱ndi yir tá re̱ng yir áya afe a tin nye yir rine̱n.

aRom 3:25

Adakunom no̱o̱k aYeso nong a tá sor asidaka kure̱ng rine̱n yir. A re̱ng ánerawe rine̱n ba kamok kuno̱o̱k katsak ba natoon kunyosong naso̱k wu. Adakunom nye anong, nong a tá tonong katsak be kuse kutek wu, kamok gbugbang, Adakunom kaye̱e̱r kuwhiwhe̱ wu a ye̱re̱k rine̱n anerawe wha.

Afisa 1:8

riya a tin no̱o̱k yir nawarak be kukyem ne kuren ike̱ng cice̱r.

Afisa 1:14

Kabik Kazhe̱l'e ne ka ti tonong yir ye Adakunom tin no̱o̱k yir ike̱ng iya a tá tsang a no̱o̱k kuto̱ ye wu tà no̱o̱k, ma nizen iya Adakunom tana sheshek afu. Iyuna se anong, nong anerawe ta kerek kuyiik wu.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.