Afisa 1:5 - Izere New Testament

⁵ iyong ne i sak wu ta tsang a ni kasa yir nong ta te yir inoon wu kamok itomong aYeso Kiristi. A nye anong nushim wu ne ritek wu.

Afisa 1:5 Referans Kwoze

Afisa 1:11

Kamok wu ne Adakunom tsang a ni kasa yir nong ta te yir afu. Wu ne a nye koakye kyo̱ndi riye̱ wu ta shim.

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

aYohana 1:12

Amma cice̱r áfe a tú ku shan ne á ni no̱o̱k katsak riyerek wu, a tá no̱o̱k ba iren kute inoon Adakunom.

aRom 8:23

Sang ike̱re̱'me tsek baꞌ, amma yir gip, yir aya a tin no̱o̱k yir kunang Kabik Kazhe̱l'e kaya a tin no̱o̱k yir kum ni ime̱se̱ng'e, i rus yir kaye̱e̱r aye̱ yir ne i tor yir be ifeng nong Adakunom tin sok yir i ta te yir inoon wu ne a shesh iro̱m yir.

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

2 aKoranti 6:18

“Mi ta te Ada yin ne yin sor yin inoon'i, acam be nanamang Agwo̱m Ágwo̱m ayiik'e ne ku fe̱ anong.”

Ike̱ng a ta tonong aYohana 21:7

Aner aya ne a canang kazatse ne mi tù ku no̱o̱k iren nong a tà ya kutse ike̱re̱ na cei. Mi tà sor Adakunom wu ne wu sor igon'i.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

aYohana 11:52

Sang kamok áner aYahuda tsek baꞌ, amma nong a tà tusung áner Adakunom aya a tá te shaam tà te azining.

2 aTasalonika 1:11

Kamok anong, ne yir yiir ka nye yin aduwa ye̱r ye̱r ye Adakunom ra sak yin ta sor yin kuri kusor kuya a tá ka yis mo yin. Adakunom ra sak ta nye yin ike̱re̱ itek cice̱r iya yin ta shim yin tà nye yin ne itomong kuno̱o̱k katsak yin nong tà nye yin be agap kukyem wu.

aLuka 10:21

Nizen iyong aYeso n shining be Kabik Kazhe̱l'e yong a fe̱ ye, “Mi be riye̱ rikan be wan, Ada agbang, Agwo̱m Ágwo̱m, wan afe i tá nye kaza be kaben, kamok wan ne̱r áya a tá be kukyem ne áya a tá ren ike̱ng natoon ike̱re̱ na nong i ta tonong áya a ta se kyo̱ndi inoon zhizhe̱k. I se gye̱r anong, Ada, kamok iyong ne i nye kushim riye̱ wan.

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

aMatiyu 11:26

Ei, Ada, kamok iyu ne i nye kushim riye̱ wan.

aLuka 11:32

Katuk igang'e áner aNineve tà nyeseng be áner izam iyu nasho̱o̱n Adakunom, ne á tonong ye ánerawe'me nye ámaan'e. Kamok ba shishing kuse ba be rife̱ aZhona tú ku taas ba. To̱, kyo̱o̱rna afe a ta nar aZhona na aze!

aFilipi 2:13

Kamok Adakunom be rice wu ne a nye itomong kaye̱e̱r aye̱ yin, kuus yin ike̱ng iya i ta nye kuto̱ro̱ng wu kutek, ne i ni nye yin itomong.

1 aKoranti 1:1

Mi, aBulus, aya a tin yis nong tà te amanzo aYeso Kiristi, kaye̱e̱r kushim Adakunom, i ta se yir mak be aronyining yir aSatanis ne i ta zibir yin kufumung na.

aMatiyu 1:25

Amma aYusufu tsang a ku ren kyo̱ndi aner abining baꞌ, ma nama a tá tes igon'e, a tú ku yis ye aYeso.

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

Itomong Ámanzo 13:48

Áner áya a ta nye áner aYahuda baꞌ ta fa fok anong ne aye̱ ba kare̱p ne á tiyiik rife̱ Adakunom. Áner áya Adakunom ta tsang a kasa nong á ta se̱ kutser kufe izen izen ti no̱o̱k katsak.

aKolosi 1:19

Adakunom be riye̱ rikan kamok kuse wu cice̱r ta se kaye̱e̱r Igon wu.

Ibrani 2:4

Adakunom gip a tonong ye i se anong be kunye ike̱re̱ azhing ne ife kukyem ne kunang Kabik Kazhe̱l'e tá kasap anerawe kyo̱ndi wu ta shim.