Afisa 1:4 - Izere New Testament

⁴ Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

Afisa 1:4 Referans Kwoze

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

1 aBitrus 1:2

Yin áya Adakunom a ta nye Ada ne a tá ka kasa yin kaye̱e̱r kanye̱k wu gbugbang, a bun a tá ka sak yin nong yin ta te yin ázhe̱l'e kamok kukyem Kabik Kazhe̱l'e. Kunyek wu nye nong i tá fok yin aYeso Kiristi kuto ne kumis naso̱k wu. Ritek ne kameneng riye̱ Adakunom se mak be yin dide̱ng.

1 aBitrus 1:20

Wu ne Adakunom tsang a ku kasa nizham a ta ra nye kazatse, amma kamok yin ne a tu tonong nizen igang'e na.

aKolosi 3:12

Kamok anong, kyo̱ndi ánerawe áya Adakunom tá kasa, ázhe̱l'e ne áfe riye̱ wu, naka kis yin be kuro̱ riye̱ ne kuse kutek be ku mees rice ne kuse tatan ne ku naka tsesek.

aKolosi 1:22

Amma kyo̱o̱rna Adakunom mu ku bun be yin kamok riku aKiristi nuro̱m nong yin ta se yin zhe̱l nasho̱o̱n Adakunom dar rizik, dar kufe̱ imaan'e natoon yin,

Afisa 5:27

A nye anong, nong a ta be̱e̱n áfikuus'e nasho̱o̱n wu yiik, dar rizik ka ike̱ng ikak i ta risik, amma zhe̱l dar ike̱ng ikak imaan'e.

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Itomong Ámanzo 13:48

Áner áya a ta nye áner aYahuda baꞌ ta fa fok anong ne aye̱ ba kare̱p ne á tiyiik rife̱ Adakunom. Áner áya Adakunom ta tsang a kasa nong á ta se̱ kutser kufe izen izen ti no̱o̱k katsak.

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

1 aTasalonika 4:7

Kamok sang Adakunom ti yis yir nong tá won dar i sor yir zhe̱l baꞌ, amma nong ta sor yir zhe̱l.

aFilipi 2:15

nong ase̱, yin ta se yin dar rizik ne i se yin zhe̱l, kyo̱ndi inoon Adakunom áfe sang á ta nye imaan'e nasho̱o̱n áner aya a ta nye amaan'e baꞌ. Yin ta se yin kyo̱ndi akanang ta se naro̱ ka ta se whi.

2 aTimoti 2:19

Gip be anong, katsak rife̱ Adakunom'me ri ta nye itsik'e rusek kpa be izibir natoon'e ye, “Adakunom ren áya a ta nye áfu,” be, “Koangan aya a ta fe̱ ye wu nye afe Agwo̱m Ágwo̱m a ra won amaan kunye wu dim.”

Itomong Ámanzo 18:10

Kamok mi se mak be wan. Akak sen ka kpa a ta ka man baꞌ, kamok ánerawe whe̱re̱ kaye̱e̱r kuwo̱p na nye anaan.”

2 aTimoti 2:10

Kamok anong mi tsesek kaye̱e̱r koakye kamok áya Adakunom tá kasa nong ba gip ta ma se̱ kashesh na a ta se̱ kaye̱e̱r aYeso Kiristi ne kuyiik kufe izen izen.

Afisa 4:2

Mees yin rice yin ne i se yin tatan. Te yin ata naye̱ ne i naka be yin kaye̱e̱r kutatan kushim.

1 aKoranti 1:8

Wu tà ka berek yin ma nigang'e fan a ba ka se̱ yin be rine̱n katuk kube̱ Agwo̱m Ágwo̱m yir aYeso Kiristi.

aMatiyu 24:31

A ta tom ámaleka wu nong á ta fe̱e̱p rigba ri ta wo̱ng dide̱ng ne á tusung aya a tá kasa nikes kazatse inaas, nikes kuyu ma nigang kazatse.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

aYohana 10:16

Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

1 aTasalonika 3:12

Won Agwo̱m Ágwo̱m tu sak kushim yin tin barang dide̱ng be koangan nong ase̱ tà naka shim yin be ánerawe cice̱r kyo̱ndi yir tá nye yir be yin.

Afisa 3:17

nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

aRom 8:33

Angan ne a ta nye kukun áya Adakunom tan kasa e̱? Adakunom be rice wu ne a fe̱ ye ba se gye̱r nasho̱o̱n wu.

aMatiyu 24:24

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

aMatiyu 24:22

Ye kamok inom'e ta se cie̱k baꞌ, ke aner akak kyem a gaar be kutser baꞌ, amma kamok áya afe a tan kasa, a sak inom'e te cie̱k.

1 aYohana 4:16

Kamok anong yir ren yir ne i ni fereng yir nushim Adakunom kufe katsak a ta be natoon yir. Adakunom nye kushim. Koangan afe a ta shim ánerawe se kaye̱e̱r Adakunom ne Adakunom se kaye̱e̱r wu gip.

2 aBitrus 3:14

Kamok anong, ároneng áfe riye̱ mi, kum yin ta sen tor yin Kunom'ong, to̱ nye yin koakye ike̱ng iya yin tana kyem i nye yin nong ta sor yin nasho̱o̱n Adakunom dar rizik ka rine̱n ayi. Sor yin nasho̱o̱n wu caang.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

Itomong Ámanzo 15:18

wu afe a tu ku ren kum gbugbang.