Afisa 1:22 - Izere New Testament

²² Adakunom won koakye nubo̱k wu ne a ku kasa a tin nye rigwo̱m natoon ike̱re̱ cice̱r ne a te ako̱k kasho̱o̱n ikilisiya.

Afisa 1:22 Referans Kwoze

aKolosi 1:18

Wu ne a nye rice kuro̱m'e ku ta nye áfikuus cice̱r. Wu ne a nye ritin'e ne a nye ime̱se̱ng'e kaye̱e̱r áya a tá san kudorok nure̱k, nong a se̱ kaye̱e̱r koakye wu ne a ta nar be kuyiik.

aKolosi 2:10

be anong ne yin shining yin kamok yin ta sor yin kaye̱e̱r wu. Wu ne a nye ako̱k kasho̱o̱n koakye kuri kukyem ne koakye kuri rigwo̱m.

Ibrani 2:8

ne i ku sak a tin nye rigwo̱m natoon ike̱re̱ cice̱r.” Nizen Adakunom tú ku sak a tin nye rigwo̱m natoon ike̱re̱'me, a won dar a ku won ike̱ng ikak baꞌ. Gip be anong, yir di yir anerawe ti nye rigwo̱m natoon ike̱re̱ cice̱r kyo̱o̱rna baꞌ.

aKolosi 2:19

Aner kuri ayong n kam be aner a ta nye rice'me, wu aya kuro̱m'e cice̱r ti fereng natoon wu ne ku se nagung ne ku rasak kyo̱ndi Adakunom ta shim.

Afisa 5:23

Kamok atekasa ne a nye rice abining wu, kyo̱ndi aKiristi ne a ta nye ako̱k kasho̱o̱n ikilisiya, ba ta nye kuro̱m wu. Wu be rice wu nye aner kashesh'e.

1 aKoranti 11:3

Mi shim yin tu ren yin ye aner amitek ne a nye atekasa natoon abining wu, aKiristi ne a nye atekasa natoon aner amitek, Adakunom ne a nye atekasa natoon aKiristi.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

Afisa 3:21

Kuyiik nye kufu kaye̱e̱r ikilisiya be kaye̱e̱r aYeso Kiristi ma izam izam cice̱r ma izen izen. Anong.

1 aTimoti 3:15

Amma ke mi gum be̱ baꞌ, ne wan ren kuri kuse kuya ku ta se gye̱r be áner aya a tana se kaye̱e̱r kasa Adakunom tana se, á ta nye áner Adakunom afe kutser, áya ne á ta nye itsik rino̱k ne ribor katsak'e.

aMatiyu 16:18

Kamok anong, mi fe̱ be wan ye, wan ne i nye aBitrus natoon kuta na ne mi tin no̱k ikilisiya mi, iya sang agap riku tana kyem a canang baꞌ.

aKolosi 1:8

Wu ne a ti tak yir kuri kushim kuya yin ta shim yin anerawe kaye̱e̱r Kabik.