Afisa 1:20 - Izere New Testament

²⁰ Kukyem wu kuri kuya wu tá tonong nizen wu tá dorok aKiristi kaye̱e̱r ikom ne a ku sak a tá sonong nubo̱k riya wu kaye̱e̱r kaza.

Afisa 1:20 Referans Kwoze

Ibrani 10:12

Amma aKiristi tá nye asidaka wu kutak kuzining kamok rine̱n ánerawe, a sonong nubo̱k riya Adakunom.

aMarkus 16:19

Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

aKolosi 3:1

Kum a tá ma ka dorok yin mak be aKiristi, to̱, ni te yin riye̱ natoon ike̱re̱ iya i ta se kaye̱e̱r kaza, naro̱ aKiristi ta mu ku sonong nabas kubo̱k riya Adakunom.

aFilipi 3:10

Mi shim ta ren aKiristi, mi shim tù ku ren be kukyem wu a tin dorok nure̱k ne mi gung rice be wu kaye̱e̱r risam wu ne riku wu.

aRom 8:34

Angan ne a ta kyem a ta te̱n anerawe amok e̱? aYeso Kiristi, aya a tá ku, sang a ku tsek baꞌ, a tú ku dorok nure̱k be kutser, aya a ta se nubo̱k riya Adakunom ne a nye izong kamok yir.

Itomong Ámanzo 5:31

Adakunom tu no̱o̱k kuyiik a tu ku sak nubo̱k riya wu nong a ta sor áko̱k kasho̱o̱n ne a sor aner kashesh nong a ta sak áner Isarela ta shishing kuse ba ne a ka re̱ng ba rine̱n ba.

aMarkus 14:62

aYeso fe̱ be wu ye, “Ei, yin tà di yin Igon Anerawe nusonong nukim kubo̱k riya Aner Kukyem. A ta saase kaye̱e̱r ane̱n natoon kaza.”

aMatiyu 26:64

aYeso fe̱ be wu ye, “Ei, i se kyo̱ndi wan tá fe̱'ong. Amma mi fe̱ be yin ye, nasho̱o̱n yin tà di yin Igon Anerawe nusonong nubo̱k riya Atek kukyem, ne i ku di yin a ta saase kaye̱e̱r ane̱n.”

Ike̱ng a ta tonong aYohana 1:17

Mi ta fa ku di ne mi kpa nasho̱o̱n wu kyo̱ndi kukom. Ayong a ti sak kubo̱k riya wu ni mi, a tá fe̱ ye, “Sang tu fok inyim baꞌ. Mi ne i nye Ime̱se̱ng'e ne i nye Igang'e.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

Ibrani 13:20

Won Adakunom aya a ta nyesek kameneng riye̱, aya a tá dorok aYeso nure̱k kamok naso̱k kushu kufas, won wu afe a ta nye afek atek,

Ibrani 2:9

Amma ike̱ng iya yir ta ye̱re̱k yir nye aYeso, aya a ta tsang a ni raar na ámaleka, amma kyo̱o̱rna a tu ku no̱o̱k kuyiik be rigwo̱m kamok a so̱ risam riku nong se ritek Adakunom ta fok risam riku kamok koangan.

Afisa 1:3

Nakerek nye nafe Adakunom ne a bun a nye Ada Agwo̱m Ágwo̱m yir aYeso Kiristi, aya a tin no̱o̱k yir ritek kaye̱e̱r rigwo̱m wu kaye̱e̱r kaza ne a bun a tin no̱o̱k yir koakye kuri ritek kufe kabik.

aRom 1:4

Kabik Kazhe̱l'e tonong kaye̱e̱r kukyem ye wu ne a nye Igon Adakunom kamok a tú ku dorok nure̱k be kutser. Wu ne a nye Agwo̱m Ágwo̱m yir aYeso Kiristi yir.

Itomong Ámanzo 26:8

Akye̱ sak yin di yin ye Adakunom ta kyem a sak áfe a tan kus ta dorok baꞌ e̱?

Itomong Ámanzo 10:40

Adakunom tú dorok nure̱k katuk ife ataar'e a tá sak ánerawe tú di.

Itomong Ámanzo 4:10

To̱, yir shim yin cice̱r be áner Isarela tu ren ye, kaye̱e̱r riyerek aYeso Kiristi, afu Nazaret, aya yin tú ku tigak yin amma Adakunom tú ku dorok nure̱k.

aYohana 10:30

Mi be Ada'me i se yir ázining.”

aYohana 10:18

Akak ta kyem a sok kutser'i baꞌ. Be kushim mi ne mi no̱o̱k rice mi. Mi be kukyem mi tanin no̱o̱k kutser'i, ne mi bun i be kukyem mi tanin dorok'e. Ada mi ne a ti no̱o̱k iren anong.”

aKolosi 1:16

Kamok be wu ne Adakunom nye ike̱re̱ cice̱r, iya i ta se kaye̱e̱r kaza be iya i ta se kaye̱e̱r kazatse, iya a ta di be iya sang a ta kyem a di baꞌ. Be wu ne Adakunom nye koakye ike̱ng i ta be kukyem kaye̱e̱r kaza, be áko̱k kasho̱o̱n ne áfe rigwo̱m cei ne ike̱re̱ Adakunom tá nye cice̱r, a nye mak be wu ne kamok wu.