Afisa 1:17 - Izere New Testament

¹⁷ Mi yiir kunye aduwa ye Adakunom afe Agwo̱m Ágwo̱m yir aYeso Kiristi, Ada yir ayiik'e ye a ra ka no̱o̱k yin kabik kafe kukyem ne kafe kuren ike̱ng nong ase̱ yin tù ku ren yin dide̱ng.

Afisa 1:17 Referans Kwoze

2 aBitrus 1:3

Adakunom kaye̱e̱r kuyiik wu ti no̱o̱k yir koakye ike̱ng iya yir ta tse̱r yir nong ta sor yir kuri kusor kuya wu tana fok kusas'e. Yir se̱ yir ike̱re̱ na cice̱r kamok yir ta ren yir Adakunom a tin yis yir kaye̱e̱r kuyiik be kuse kutek wu.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

Afisa 1:3

Nakerek nye nafe Adakunom ne a bun a nye Ada Agwo̱m Ágwo̱m yir aYeso Kiristi, aya a tin no̱o̱k yir ritek kaye̱e̱r rigwo̱m wu kaye̱e̱r kaza ne a bun a tin no̱o̱k yir koakye kuri ritek kufe kabik.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

1 aKoranti 2:10

Amma Adakunom be Kabik wu ne a ti tonong yir ike̱re̱ na. Kabik'e ne ka ye̱re̱k koakye, be ike̱re̱ ife Adakunom i ta se tsik gip.

Afisa 3:5

Gbugbang sang a taas ánerawe itak'e, kyo̱ndi Kabik Adakunom'me tá taas ámanzo azhe̱l ne áner kuzarap azhe̱l'e kyo̱o̱rna baꞌ.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

Itomong Ámanzo 6:10

Amma Kabik Adakunom no̱o̱k Itifanus kukyem kuri kukak kuya a tin fe̱ kanu be ba, akak ba kyem a ya nanan be wu baꞌ.

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

aYohana 14:26

Amma Aner Kutobok, a ta nye Kabik Kazhe̱l'e aya Ada tana tom'e kaye̱e̱r riyerek'i, wu ne a tà ka bo̱so̱p yin koakye, ne a ka yiring yin koakye ike̱ng mi tá fe̱ be yin.

2 aKoranti 12:1

Mi tin se̱ ike̱ng ikak baꞌ, gye̱rtatan, amma mi ta ya kuka dim. Kyo̱o̱rna, mi ta ya kasho̱o̱n be kutaas ike̱re̱ iya i ta be̱s kyo̱ndi nabos ne iya Agwo̱m Ágwo̱m tin tosong.

aLuka 21:15

Kamok mi tà ka no̱o̱k yin ike̱ng iya yin tana fe̱ yin be kukyem kuya sang ámudo̱n yin tana kyem á ya kanu be yin baꞌ.

1 aKoranti 12:8

Kabik Kazhe̱l'e kazining ne a no̱o̱k akak kukyem, ne a no̱o̱k akak kuren ike̱ng.

1 aKoranti 2:8

Akak kaye̱e̱r ágwo̱m izam iyu kyem a ren kukyem'me baꞌ, ke á fa fe̱ ye ba ren ke ba tigak Agwo̱m Ágwo̱m yir a ta se yiik baꞌ.

aRom 15:6

Be anong ne yin ta tiyiik yin Adakunom a ta nye Ada aYeso Kiristi Agwo̱m Ágwo̱m yir be riye̱ rizining ne kanu kazining.

aYohana 16:3

Á tà nye ike̱re̱ iyong kamok sang ba n ren Ada ka mi baꞌ.

aYohana 14:17

Wu ne a nye Kabik kafe katsak. Kazatse ta kyem ka ku shan baꞌ, kamok ka kun ku di ka ka kun ku ren baꞌ. Amma yin tú ren yin, kamok a se be yin ne a tà sor kaye̱e̱r yin.

aMatiyu 16:17

aYeso fe̱ be wu ye, “aSiman igon aZhona, wan nye aner riye̱ rikan kamok sang anerawe ne a ta tonong iyu baꞌ, ma ke Ada mi afe a ta se kaye̱e̱r kaza ne a ta ka tonong.

aMatiyu 11:25

Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice.

Ike̱ng a ta tonong aYohana 7:12

ne á fe̱ ye, “Anong, kuyiik be nakerek be kukyem be riye̱ rikan be rigwo̱m be agap ne ritek nye rife Adakunom yir ma izen izen, Anong.”

aTitus 1:1

Mi, aBulus, asam Adakunom ne i bun i nye amanzo aYeso Kiristi. A tin sak mi ta te amanzo nong ta tsesek kuno̱o̱k katsak áya Adakunom tá kasa, ne i kutobok ba nong á ta ren katsak kaye̱e̱r ikuus Adakunom,

aYakub 2:1

Aroneng'i kyo̱ndi afe kuno̱o̱k katsak na aYeso Kiristi Agwo̱m Agwo̱m yir, afe kuyiik, tu tonong yin kushim rice baꞌ.

1 aKoranti 14:6

Ároneng, ke mi be̱ nufe yin i be̱ i fe̱ be yin ni írem iduk, akye̱ kuri ike̱ng ne mi ta ka barang yin'e e̱? Ma ke mi ta tak yin ike̱ng iya Adakunom tin tonong, ka mi ta ka barang mo yin kuren ike̱ng, ka kuzarap, ka ta ka bo̱so̱p yin ike̱ng ikak ayi.

aLuka 12:12

kamok Kabik Kazhe̱l'e tà ka tak yin ike̱ng iya yin tana fe̱ yin nizen iyong.”

aLuka 2:14

“Kuyiik nye kufe Adakunom aza kaye̱e̱r kaza, nazatse kameneng riye̱ kuse nufe áner áfe wu ta shim.”

2 aTimoti 2:25

A ra bo̱so̱p áya a ta gaar kubo̱so̱p wu'me whiwhe̱ kamok kashim Adakunom ta ka no̱o̱k ba iren kushishing kuse ba nong á ta ren katsak,

aRom 1:28

Kum ánerawe'me ta gaar kushan Adakunom, Adakunom tú ku won ba kaye̱e̱r amaan kuto̱ro̱ng ba yong a ma tsang a nye ike̱re̱ iya i tá taas ke ba nye baꞌ.

Itomong Ámanzo 7:2

Amma Itifanus fe̱ ye, “Ásho̱n be ároneng, wesek yin kuto tin fok yin. Adakunom a ta nye ayiik'e, ti wuruk na ada yir Ibrahim kum ne a rusek na aMasopotamiya nizham a tá ra se sor na aHaran.

Afisa 4:13

Be anong ne yir cice̱r i se̱ yir kuno̱o̱k katsak kuzining natoon Agwo̱m Ágwo̱m ne i te yir azining natoon kuren Igon Adakunom. Yir ta te yir áner aya a tan te ánerawe nong ta se yir natoon kagarang kaya ka ta se gye̱r kyo̱ndi aKiristi.

aFilipi 3:15

Kamok anong, yir áya i tan te yir ánerawe cice̱r kaye̱e̱r kabik, kuto̱ro̱ng yir ra se anong. Amma ke akak yin be kuto̱ro̱ng kukak ze̱e̱r, to̱, Adakunom tà ka tonong yin.

aMatiyu 20:33

Ne á fe̱ be wu ye, “Atekasa, yir shim ta di yir karo̱.”