Afisa 1:11 - Izere New Testament

¹¹ Kamok wu ne Adakunom tsang a ni kasa yir nong ta te yir afu. Wu ne a nye koakye kyo̱ndi riye̱ wu ta shim.

Afisa 1:11 Referans Kwoze

aRom 8:28

Yir ren yir kaye̱e̱r koakye, Adakunom nye gye̱r kamok áya a tu ku shim áya a ta ma ka yis ba kaye̱e̱r kanye̱k wu.

1 aBitrus 1:4

Be anong ne yir ti te yir riye̱ nong ta ya yir kutse kuya sang ku tana gang ka ku ta beseng ka ku tà te rish baꞌ, amma kuya a ta ka sak yin'e kaye̱e̱r kaza.

Afisa 1:14

Kabik Kazhe̱l'e ne ka ti tonong yir ye Adakunom tin no̱o̱k yir ike̱ng iya a tá tsang a no̱o̱k kuto̱ ye wu tà no̱o̱k, ma nizen iya Adakunom tana sheshek afu. Iyuna se anong, nong anerawe ta kerek kuyiik wu.

Afisa 3:11

Iyong se tite̱re̱ be kushim riye̱ Adakunom kuya a tá nye kanye̱k'e kum nizham a ta ra nye kazatse, a shining be Agwo̱m Ágwo̱m yir aYeso Kiristi.

Afisa 1:5

iyong ne i sak wu ta tsang a ni kasa yir nong ta te yir inoon wu kamok itomong aYeso Kiristi. A nye anong nushim wu ne ritek wu.

aGalati 3:18

Ke i nye ye a kyem a se̱ kutser nikuus Itsi, to̱ i nye ye wan kyem i se̱ kamok kuno̱o̱k kuto̱ Adakunom tá nye baꞌ, amma Adakunom kaye̱e̱r ritek wu ne a no̱o̱k Ibrahim kamok wu ne a no̱o̱k kuto̱'me.

Ibrani 6:17

Adakunom shim a ta tonong aner aya a tana di ike̱ng iya wu tá fe̱ ye wu shishing baꞌ, yong a shu.

aTitus 3:7

A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

aKolosi 1:12

ne i yiir nye yin riye̱ rikan be Ada, kamok wu ne a sak yir ta kyem i te yir áfe kuya kutse ike̱re̱ na, iya a tá nye kamok ázhe̱l'e kaye̱e̱r rigwo̱m akanang.

aKolosi 3:24

Kum yin ta ren yin ye Agwo̱m Ágwo̱m ta ka karang yin ishorong yin be kutse yin tana ya yin. Kamok aKiristi Agwo̱m Ágwo̱m ne yin sen ku nye yin itomong.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Itomong Ámanzo 20:32

“Kyo̱o̱rna, mi ta won yin nubo̱k Adakunom. Ritek wu se mak be yin. Wu ta sak yin tin barang yin kukpa agap ne a ka no̱o̱k kutse kaye̱e̱r áner aya wu ta sak an te zhe̱l.

Itomong Ámanzo 2:23

Adakunom tsang a ni sak kaye̱e̱r kushim wu ye a ta no̱o̱k aYeso nubo̱k yin, ámaan aner ta ka se̱ mo yin nong yin tú ku tigak yin nukon, a tá ku.

Itomong Ámanzo 20:27

Kamok sang mi ti yo̱ro̱k be ku ka taas yin koakye ike̱ng iya Adakunom ta shim ke a nye baꞌ.

Itomong Ámanzo 4:28

Ba nyim á ta nye ike̱ng iya wan tan sak ta nye kaye̱e̱r kuyiik be kukyem wan.

1 aBitrus 3:9

Sang tu ku karang yin imaan'e be rimaan'e baꞌ, ka ritok be ritok baꞌ. Amma ku karang yin be ritek kamok anong ne a tá ka yis mo yin nong yin tà ya yin kutse ritek Adakunom.

aRom 11:34

“Angan ren riye̱ Adakunom e̱? Angan ta kyem a ku no̱o̱k ibo̱ro̱ng e̱?”

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

Afisa 1:8

riya a tin no̱o̱k yir nawarak be kukyem ne kuren ike̱ng cice̱r.

Itomong Ámanzo 13:48

Áner áya a ta nye áner aYahuda baꞌ ta fa fok anong ne aye̱ ba kare̱p ne á tiyiik rife̱ Adakunom. Áner áya Adakunom ta tsang a kasa nong á ta se̱ kutser kufe izen izen ti no̱o̱k katsak.

aRom 8:29

Kamok aya Adakunom tá tsang a kasa gbugbang ne a ku sak ba ze̱e̱r nong a tá sok kuse Igon wu, Igon'e ta sor asho̱n kaye̱e̱r ároneng whe̱re̱.

aRom 8:30

Áya wu tá tsang a ku sak ba ze̱e̱r, a tú ku yis ba'me, ne a ku sak ba a tá se gye̱r nasho̱o̱n wu, ne ku te yiik ba.

aRom 9:11

Kum ne an tsang a tes Isuwa be aYakub baꞌ ka kum ne ba tsang an nye ike̱ng ikak itek ka imaan'e baꞌ, Adakunom fe̱ be aRifkatu ye, “Igon kako'me tà nye kawusong'e itomong.” Adakunom fe̱ anong nong a ta tonong ye aner a tana kasa a tu ku kasa kamok kushim Adakunom sang kamok itomong aner'e.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.