aFilipi 4:9 - Izere New Testament

⁹ Koakye yin tá bo̱so̱p yin nunaan ka i se̱ yin nunaan ka i fok yin nunaan, ka iya yin tá di yin nunaan, iyong ne yin tá nye yin. Be anong ne Adakunom aya a ta nyesek kameneng riye̱ ta se mak be yin.

aFilipi 4:9 Referans Kwoze

aYakub 1:22

Tu foos yin rife̱'me tsek ne i wo̱k yin rice yin baꞌ, amma ninye yin itomong.

aFilipi 3:17

Ároneng, kuus yin ane̱e̱ mi cice̱r yin, ne i ye̱re̱k yin kuse áya a ta kuus ike̱ng iya yir tá fe̱ yir be yin.

2 aBitrus 1:10

Kamok anong ároneng, nye yin koakye ife yin tana kyem i nye yin nong ta tonong yin ye Adakunom ma ka yis yin ne a ka kasa yin. Ke yin nye yin anong yin ta kpa yin baꞌ, ko cie̱k.

aYohana 13:17

Kyo̱o̱rna, yin tá ren yin ike̱re̱ na, yin tà sor yin áfe riye̱ rikan ke yin kuus yin.

aFilipi 4:7

Be anong ne kameneng riye̱ kuri kuya Adakunom ta nyesek kuya ku ta nar koakye kuri kuren ánerawe, tà sak aye̱ yin be kuto̱ro̱ng yin ta nyeseng kpa natoon aYeso Kiristi.

aRom 16:20

Adakunom afe a ta nyesek kameneng riye̱ tà me̱re̱sh Ishetan sang be kubeseng izen baꞌ. Won ritek Agwo̱m Ágwo̱m yir aYeso tu se mak be yin.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

aLuka 6:46

“Akye̱ sak yin ti yis yin ye, ‘Agwo̱m, Agwo̱m,’ ka i ra nye yin ike̱ng iya mi tá fe̱ baꞌ e̱?

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aMatiyu 7:21

“Sang koangan afe a tin yis ye, ‘Agwo̱m Ágwo̱m’ ne a tà no̱ kaye̱e̱r kaza baꞌ, ma ke aya a tá nye ike̱ng iya Ada mi aya a ta se kaye̱e̱r kaza ta shim.

2 aTasalonika 3:4

Yir ti no̱o̱k yir katsak dim na Agwo̱m Ágwo̱m ye yin sen kuus yin ike̱re̱ yir tá ka taas yin, ye yin ta ya yin kasho̱o̱n be kunye'me.

1 aTasalonika 1:6

Yin kuus yin ane̱e̱ yir ne afe Agwo̱m Ágwo̱m yir, yin so̱ yin risam gye̱rtatan, amma yin shan yin rife̱ Adakunom'me be riye̱ rikan riya Kabik Kazhe̱l'e tá ka no̱o̱k yin.

1 aTasalonika 5:23

Won Adakunom be rice wu aya a ta nyesek kameneng riye̱ tu sak yin tu sor yin zhe̱l kaye̱e̱r koakye kuri iren. Won kabik yin cice̱r be aye̱ yin ne iro̱m yin tu sor gugo̱k be rine̱n ma katuk kube̱ Agwo̱m Ágwo̱m yir aYeso Kiristi.

aRom 15:33

Won Adakunom aya a ta nyesek kameneng riye̱ tuse mak be yin cice̱r. Anong!

aYohana 2:5

Iyong anyining aYeso fe̱ be ásam'me ye, “Nye yin koakye ike̱ng a tana fe̱ ye i ru nye yin.”

aLuka 8:21

Ayong aYeso fe̱ be ba ye, “Ango̱ mi be áronyining'i nye áfe a ta fok rife̱ Adakunom ne á ninye itomong.”

1 aTasalonika 2:14

Ároneng, kamok yin te yin ike̱ng kumaas nufe ánerawe, ikilisiya Adakunom niben aYahudiya kaye̱e̱r aYeso Kiristi, yin n so̱ yin risam nubo̱k áner iben yin, kyo̱ndi ba tá so̱ risam nubo̱k áronyining ba áner aYahuda.

1 aKoranti 10:31

Kamok anong koakye ne yin ta sen nye yin'e, kaye̱e̱r kuya ka kuso̱ yin ayi, nye yin koakye kamok ku tiyiik Adakunom.

Itomong Ámanzo 9:6

“Dorok nong ta no̱ kaye̱e̱r kuwo̱p nong a tà ka tak ike̱ng iya wan tana nye.”

2 aTimoti 4:22

Agwo̱m Ágwo̱m ra se mak be kabik yin. Ritek wu se mak be yin.

1 aKoranti 14:33

Kamok Adakunom yir nye Adakunom aya a ta nye ike̱re̱ kpe̱de̱ng baꞌ, amma a nye afe kusor caang. Kyo̱ndi i ta se be áfikuus ninaro̱ kuya Adakunom iben cice̱r,

aYohana 15:14

Yin nye yin áferime̱ mi ke yin kuus yin Itsi mi.

1 aYohana 3:22

Adakunom tin no̱o̱k yir koakye yir tu ku rip yir, kamok yir kuus yir rife̱ wu ne i nye yir ike̱re̱ wu ta shim.

aMatiyu 1:23

“Di yin, kanamang tà be kafa, a tà tes igon, a tù ku yis ye Imanuwel. (Imanuwel sor, Adakunom se mak be yir.)”

1 aKoranti 4:16

Mi ta nye yin akusuk, bo̱so̱p yin kuse mi.