aFilipi 4:18 - Izere New Testament

¹⁸ A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.

aFilipi 4:18 Referans Kwoze

Ibrani 13:16

Sang tu won ku naka tobok yin ne i naka nye yir ritek baꞌ, kamok riye̱ Adakunom kare̱p be asidaka kuri ayong.

aFilipi 4:12

Mi ren kuri kusor mi ta sor ke mi se̱ ike̱ng ife mi ta tse̱r baꞌ, mi ren kuri kusor mi ta sor ke mi se̱ dide̱ng. Mi n bo̱so̱p kaye̱e̱r kusor kaye̱e̱r koakye iren iya ne mi se̱ rice mi, be riwha ka be izong ka ke mi be whe̱r ka i se kaye̱e̱r kutser.

2 aKoranti 9:12

Itomong yin ta nye yin na, nyesek áner Adakunom ike̱re̱ ba ta tse̱r tsek baꞌ, amma i sak ánerawe whe̱re̱ tonong riye̱ rikan dide̱ng be Adakunom.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

1 aBitrus 2:5

Yin gip, ma te yin kyo̱ndi kuta rino̱k kutser a tanin no̱k kasa kuri kafe kabik nong yin ta nye yin itomong ritsi rizhe̱l'e. Yin ta nye yin asidaka kabik azong kuri aya Adakunom ta shim kamok aYeso Kiristi.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

aRom 12:1

Kamok anong, ároneng, mi ta nye yin akusuk kaye̱e̱r kuro̱ riye̱ Adakunom ye i ra no̱o̱k yin iro̱m yin kyo̱ndi asidaka atser, azhe̱l'e, kuri aya Adakunom a tana fok kusas'e. Iyong ne i nye iren kuya Adakunom iben kufe katsak.

Itomong Ámanzo 10:4

Iyong aKoneliyus'e tisak anyisi ni wu be inyim a tá fe̱ ye, “Akye̱ de̱ Agwo̱m Ágwo̱m e̱?” Ayong amaleka'me shim ye “Adakunom n yiring be wan, aduwa aya wan tá nye be kutobok kuya wan ta tobok áfe rizor n ngarak nufe Adakunom.

2 aKoranti 11:8

Mi te kyo̱ndi mi mo̱o̱r áfikuus ákak kamok mi shan kutobok nufu ba nong mi tin nye itomong nufe yin.