aFilipi 4:14 - Izere New Testament

¹⁴ Amma yin nye yin gye̱r i tin tobok yin kaye̱e̱r risam mi.

aFilipi 4:14 Referans Kwoze

Ibrani 13:16

Sang tu won ku naka tobok yin ne i naka nye yir ritek baꞌ, kamok riye̱ Adakunom kare̱p be asidaka kuri ayong.

aFilipi 1:7

I se gye̱r mi ta to̱ natoon yin cice̱r anong, kamok yin se yin riye̱ mi, kamok yin cice̱r gung yin rice be mi kaye̱e̱r ritek Adakunom. Mi ta se nitso̱m ka mi ta sen te̱ne̱ng ne i ti nyeseng ye Rife̱ Ritek'e nye katsak.

Ibrani 10:34

Yin tonong yin áya a ta se nitso̱m kuro̱ riye̱. Yin nye yin riye̱ rikan nizen iya a tin shan ike̱re̱ yin, kamok yin ren yin ye yin be yin ike̱re̱ i ta nar iyong ife i tana sor ma izen izen.

aGalati 6:6

Koangan afe a tu ku bo̱so̱p rife̱ aKiristi, ra kasap ike̱re̱ wu itek, be aner aya a tu ku bo̱so̱p'e.

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

aFilipi 4:18

A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.

aMatiyu 25:21

“Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’

aRom 15:27

A nye riye̱ rikan nong á ta nye anong, i sor itomong ba a tana nye dim. Ke i nye ye áner aYahuda tin se̱ áner aya sang a ta nye áner aYahuda baꞌ nike̱re̱ kabik, i se gye̱r ke ba min se̱ áner aYahuda nike̱re̱ ife kuro̱m.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

Ibrani 10:33

Izen ikak a ta te yin nisum nasho̱o̱n ánerawe ne a ka tabak yin. Izen ikak, yin shim a ta ka nye yin ike̱re̱ iyong mak be áya a ta sen ku tabak ba gip.