aFilipi 3:8 - Izere New Testament

⁸ Akye̱ nar anong'e, mi sok koakye kyo̱ndi ike̱ng ikak baꞌ ke mi ti maas be kuren aYeso Kiristi a ta te Agwo̱m Ágwo̱m mi. Mi nyosong ike̱re̱'ong cei kamok wu. Mi sok cei kyo̱ndi awha nong ta se̱ aKiristi,

aFilipi 3:8 Referans Kwoze

aRom 8:18

Mi no̱o̱k katsak ye a ta kyem a maas risam yir ta sen so̱ yir'e kyo̱o̱rna be kuri kuyiik kuya a tanin tonong yir nasho̱o̱n baꞌ.

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

aFilipi 3:7

Amma gip be ike̱re̱'ong mi sor ye, mi tin se̱ ishorong natoon'e, mi sok cei kyo̱ndi ike̱ng ikak baꞌ kamok aYeso Kiristi.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

aFilipi 3:10

Mi shim ta ren aKiristi, mi shim tù ku ren be kukyem wu a tin dorok nure̱k ne mi gung rice be wu kaye̱e̱r risam wu ne riku wu.

2 aBitrus 1:3

Adakunom kaye̱e̱r kuyiik wu ti no̱o̱k yir koakye ike̱ng iya yir ta tse̱r yir nong ta sor yir kuri kusor kuya wu tana fok kusas'e. Yir se̱ yir ike̱re̱ na cice̱r kamok yir ta ren yir Adakunom a tin yis yir kaye̱e̱r kuyiik be kuse kutek wu.

1 aKoranti 2:2

Katsak'e, mi shim be riye̱ mi nong i tá wobok koakye ike̱ng mi tá ren nizen mi ta se mak be yin, ma ke itak natoon aYeso Kiristi be ku kutigak tsek.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aYohana 17:8

Kamok rife̱, wan tin no̱o̱k ne mi tú ku taas ba ne ba shan, ne á ren be katsak ye mi ne nufuan, ne ba ni no̱o̱k katsak ye wan ne i ti tom.

aYohana 14:20

Katuk'ong ne yin tà ren yin ye mi be Ada mi yir se yir azining, ne mi ma te azining be yin.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

aYohana 14:7

Ke yin fan ni ren yin ke yin ren yin Ada mi. Amma kyo̱o̱rna, yin tu ren yin, yin mu ku di yin.”

Afisa 4:13

Be anong ne yir cice̱r i se̱ yir kuno̱o̱k katsak kuzining natoon Agwo̱m Ágwo̱m ne i te yir azining natoon kuren Igon Adakunom. Yir ta te yir áner aya a tan te ánerawe nong ta se yir natoon kagarang kaya ka ta se gye̱r kyo̱ndi aKiristi.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

1 aYohana 1:3

Yir sen ka taas yin rife̱ natoon aya yir tá di yir ne yir ku fok yir, nong ase̱ yir tà te yir kyo̱ndi aner azining ne kusor yir se kuzining be Adakunom a ta nye Ada'me ne Igon wu aYeso Kiristi.

2 aTimoti 4:6

Kamok izen n nye a tanin sok a ta no̱o̱k kyo̱ndi asidaka igang'e, izen kutseng'i n nye.

aYohana 20:28

Ayong aToma fe̱ be wu ye, “Kak, Agwo̱m Ágwo̱m mi be Adakunom mi!”

aYohana 16:3

Á tà nye ike̱re̱ iyong kamok sang ba n ren Ada ka mi baꞌ.

1 aYohana 2:19

Ámudo̱n'e se kaye̱e̱r yir nizham a tá ra wuruk, ba kun se mak be yir nigaan'e baꞌ. Ke a fa nye ye ba nye afikuus be yir katsak'e, ke a sor mak be yir. Kukam ba be yir tonong ye ba nye afe yir baꞌ.

1 aBitrus 2:7

Kyo̱o̱rna yin áya i tin no̱o̱k yin katsak, kuta na be kuyiik nufe yin. Amma áya a ta gaar ku nino̱o̱k katsak, i tù ku sor ba kyo̱ndi a tá fe̱ ye, “Kuta kuya áfe rino̱k tá raba, n te ayiik kuta ribor.”

aGalati 1:16

nong a tin karak anyisi nong tá ren Igon wu aYeso, nong ase̱ mi ta nye awazi Rife̱ Ritek natoon wu nufe áner aya sang á ta nye áner aYahuda baꞌ. A tá nye anong sang mi tse̱r ibo̱ro̱ng nufe akak baꞌ.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

1 aKoranti 9:10

Katsak'e, a fe̱ rife̱ riyong kamok yir, ka anong ba e̱? Ei, kamok fa gye̱ ke aner a ta kap be aner a ta shushu ti te riye̱ ye ba ta se̱ kanu kafuba.

aYohana 20:13

Ne ámaleka ame tú ku rip ye, “Anyiningkasa, akye̱ sak wan tos e̱?” Ne wu fe̱ be ba ye, “An sok kukom aYeso Agwo̱m Ágwo̱m mi, mi ren karo̱ kaya a tú ku sak baꞌ.”

aLuka 11:20

Ke i nye ye mi turung ítseng'e be kukyem Adakunom, i nye ye rigwo̱m Adakunom m be̱ nufe yin.

aLuka 1:43

Akye̱ sak mi se̱ ritek Adakunom ana, ango̱ Agwo̱m Ágwo̱m mi kusum tá be̱ nunaan e̱?

aRom 8:39

ka kuso̱p'e ka kutsik'e ka koakye kuri ike̱ng Adakunom ta nye, ike̱ng ikak kuse i tana kyem i tin kam yir be kushim afe Adakunom tin shim yir kaye̱e̱r aYeso Kiristi Agwo̱m Ágwo̱m yir baꞌ.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

aFilipi 3:12

Sang i se ye mi n wor i se̱ ike̱re̱'ong cei ka mi fe̱ ye mi n shining cei baꞌ, amma mi ya kasho̱o̱n be kucan kaye̱e̱r kuno̱o̱k katsak'i, nong ta se̱ ike̱ng iya aYeso Kiristi tin yis mo.

2 aBitrus 1:2

Adakunom ta ka barang mo yin ritek ne kameneng riye̱ wu dide̱ng kaye̱e̱r kuren Adakunom ne Agwo̱m Ágwo̱m yir aYeso.

2 aBitrus 1:8

Ke yin be yin kuse kutek anong koakye izen, kuren Agwo̱m Ágwo̱m yin ta ren yin ta ka be̱n yin ifeng ne itomong nufu.