Mi tsang i nye aner kuzhe̱e̱sh Adakunom gye̱rtatan ne i tabak áfikuus ne i nye awan kuren, gip be anong Adakunom tin tonong kuro̱ riye̱ kamok mi nye kaye̱e̱r kudun kuren sang mi tsang i ni no̱o̱k katsak na aYeso baꞌ.
ne i te azining be wu, sang be kukuus Itsi mi nong ta te zhe̱l baꞌ. Mi se̱ kamok kuno̱o̱k katsak na aKiristi, kuzhe̱l kuya a ta se̱ nufe Adakunom kamok kuno̱o̱k katsak.
Ba ti ren kum gbugbang, ke a shim á ta ka tak, ye mi nye akak kaye̱e̱r áner aFarisi, kugung rice kuya ku ta ro̱ ne ku nar niren kuya Adakunom iben yir cice̱r.
Á tá fa fok anong ne á kerek Adakunom. Iyong á fe̱ be aBulus ye, “Aroneng wan di wa, áner aYahuda whe̱re̱ min no̱o̱k katsak. Cice̱r ba á ti be rifup kukuus Itsi aMusa.
“Awo̱ be yin áner i ta bo̱so̱p ánerawe'me Itsi ne áner aFarisi, yin ákardak áner, yin kusu yin ares kuya naya ne kufe kuso̱ ashi nama'me tsek, amma kaye̱e̱r'e nye ike̱re̱ rigup be kushim rice kuse.
Agbang atsi be áko̱k kasho̱o̱n yir cice̱r ta kyem a tonong ye mi nye anong. Mi se̱s afumung nubo̱k ba i tin tseng nufe ároneng yir áner aYahuda na aDamaskus. Mi tseng nong ta se̱ yising áfe a ta kuus Iren na azong nong ta be̱ be ba na aUshalima nong á tu ku to̱ ba amok.
nong ase̱, yin ta se yin dar rizik ne i se yin zhe̱l, kyo̱ndi inoon Adakunom áfe sang á ta nye imaan'e nasho̱o̱n áner aya a ta nye amaan'e baꞌ. Yin ta se yin kyo̱ndi akanang ta se naro̱ ka ta se whi.