aFilipi 3:20 - Izere New Testament

²⁰ Amma yir, yir nye yir áfe kaza, azong ne yir min sak yir anyisi ye, aner kashesh tà ne, a ta nye aYeso Kiristi Agwo̱m Ágwo̱m yir.

aFilipi 3:20 Referans Kwoze

Afisa 2:19

Kamok anong, kyo̱o̱rna yin ba nye yin átsen ka áner aduk baꞌ, amma yin te yin azining be áner Adakunom ne ribir áner kasa Adakunom'me.

2 aKoranti 4:18

Kamok sang ike̱re̱ áfe anyisi ta di ne yir ye̱re̱k yir baꞌ, amma ike̱re̱ iya sang a ta di be anyisi baꞌ. Ike̱re̱ iya a ta di be anyisi sor nizen cie̱k tsek, amma ike̱re̱ iya a ta di be anyisi baꞌ, sor ma izen izen.

Ibrani 12:22

Amma yin n se̱ yin rifan aSihiyona ri ta nye aUshalima afe kaza, agbang kuwo̱p Adakunom afe kutser ne kanyim riye̱ rikan ámaleka whe̱re̱re̱.

aKolosi 1:5

Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

Afisa 2:6

Adakunom ti dorok yir be kutser mak be aKiristi, kamok aYeso aKiristi'me ne yir ti se̱ yir karo̱ kusor kaye̱e̱r kaza.

2 aKoranti 5:8

Katsak'e, yir be yir agak riye̱ baꞌ. Yir nar kushim ta kam yir kuro̱m na nong ta sor yir mak be Agwo̱m Ágwo̱m kaye̱e̱r kaza.

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

1 aTasalonika 1:10

ne i tor yin izen kube̱ Igon wu a tana ne naza. Adakunom tú ku dorok be kutser, wu ne a nye aYeso aya a tanin shesh yir kaye̱e̱r riye̱ kubeseng ri tà saase.

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.

aGalati 4:26

Amma aUshalima afe a ta se naza se nye̱k, wu ne a nye ango̱ yir.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

1 aKoranti 1:7

Kamok anong yin dun yin kunang kabik ta nyesek baꞌ, yin ta sen tor yin kube̱ Agwo̱m Ágwo̱m yir aYeso Kiristi be ifeng.

Itomong Ámanzo 1:11

Ayong áner'e fe̱ ye, “Yin áner aGalili, kamok akye̱ yin nyeseng yin i ta ye̱re̱k yin kaza e̱? aYeso a tú ku sok nufe yin na a ta tseng naza, a tà bun a be̱ ana kyo̱ndi yin ta di yin a tá tseng kaye̱e̱r kaza.”

aMatiyu 19:21

aYeso fe̱ be wu ye, “Ke wan shim tá raar ni ike̱ng ikak baꞌ, to̱, tseng ta se re̱e̱s ike̱re̱ wan nong tà no̱o̱k áfe rizor itso̱m'me, wan tà se̱ ishorong kaye̱e̱r kaza. Ne i be̱ tin kuus.”

1 aTasalonika 4:16

Katuk kayong, Agwo̱m Ágwo̱m yir tà tiik kaben be rice wu, ne a yis be agap, be kuto̱ agbang amaleka ne a fe̱e̱p rigba Adakunom. Áya a tan tsang á kus kaye̱e̱r aKiristi baꞌ, ne á ta san kudorok.

aLuka 14:14

Wan tà se̱ ishorong, ba ta kyem á ka karang baꞌ gye̱rtatan, a tà ka karang nizen iya a tana dorok azhe̱l'e áya a ta n kus.”

Ike̱ng a ta tonong aYohana 1:7

Di yin, a saase kaye̱e̱r ane̱n, koangan tù ku di, cei be áya a tú ku fe̱r. Ánerawe kazatse cice̱r tà tos kamok wu. Katsak'e! I se anong. Anong!

aFilipi 1:10

nong ase̱ yin ta kyem i kasa yin ike̱re̱ iya i ta nar'e cei, ne kuse kuzhe̱l, dar ritok ma nizen iya aKiristi tana be̱.

aLuka 12:21

“Anong ne i tà se be koangan afe a tá tusung rice wu ike̱re̱, Adakunom tú di kyo̱ndi arum baꞌ.”

1 aKoranti 15:48

Ánerawe kazatse na se kyo̱ndi aner aya a tú ku nye be iben. Áner áya a tá nye afe kaza á se kyo̱ndi wu afe kaza'me.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.