aFilipi 2:3 - Izere New Testament

³ Sang tu nye yin ike̱ng ikak be kushim rice baꞌ, ka be kuka baꞌ, amma be yin kumees rice ne i sok yin áfudang yin kyo̱ndi á ta nar yin.

aFilipi 2:3 Referans Kwoze

aRom 12:10

Naka shim yin kyo̱ndi aner be aronyining. Koangan ra sok afudang yiik ne a nar rice wu.

aGalati 5:26

I tu kok yir rice yir naza ka ne i na beseng yir aye̱, ka ne i naka shishim yir baꞌ.

Afisa 5:21

Naka foos yin kamok kuyiik aKiristi.

Afisa 4:2

Mees yin rice yin ne i se yin tatan. Te yin ata naye̱ ne i naka be yin kaye̱e̱r kutatan kushim.

1 aBitrus 5:5

Anong ne yin ácam gip, kuus yin ike̱ng iya ako̱k kasho̱o̱n ikilisiya yin ta ka tak yin. Cice̱r yin, mees yin rice nong ta naka nye yin itomong kamok i se ni izibir ye, “Adakunom rawu áya a ta kok rice naza, amma a nyesek áya a ta mees rice ritek wu.”

aFilipi 2:14

Koakye yin tana nye yin sang tu nye yin ike̱ng ikak be anyinye̱m ka be nanaan baꞌ,

aGalati 5:15

Amma ke yin yiir ko̱ro̱ng yin ne i naka ros yin kyo̱ndi agabu, sak yin riye̱ ke anong baꞌ, cice̱r yin ta wei yin.

1 aTimoti 6:4

aner kuri ayong be kuka ne a ra ren ike̱ng ikak baꞌ. A be amaan ise ne a shim nanan be akikar natoon abaan azhizhe̱k rife̱ naya na tana be̱e̱n be rishishim be kuren ne ritok be amaan kuto̱ natoon akak,

aLuka 18:14

“Ne aYeso fe̱ be ba ye, mi tà ka tak yin afe ku shashang itso̱m iben'ong tú bun kari an te zhe̱l nasho̱o̱n Adakunom, Sang aner aFarisi ame baꞌ. Koangan ne a tiyiik rice wu a ta te be wu fe̱re̱, aner aya a tá mees rice wu a tu ku tiyiik.”

aKolosi 3:8

Amma kyo̱o̱rna, kam yin be ike̱re̱ kuri iyuna cice̱r dim. Won yin riye̱ kubeseng be riye̱ rife ne amaan kuto̱ro̱ng ne ritok be amaan rife̱.

2 aKoranti 12:20

Kamok mi fok inyim ye kashim ke mi be̱, mi ta be̱ tá ka se̱ yin kyo̱ndi mi ta shim baꞌ, ne yin ni sok yin kyo̱ndi yin ta shim yin baꞌ. Mi fok inyim ye mi ta be̱ ta ka se̱ yin riwo̱ng be rifuup ne riye̱ kubeseng be ku won dar kugung rice, be ritok, ne imok, be rice ribun ne akpe̱de̱ng kusor.

1 aKoranti 3:3

Yin ru be yin kuto̱ro̱ng rinerawe kamok yin ru be yin rishishim ne i ko̱ro̱ng yin. Aser, iyong tonong ye yin ru be yin kuto̱ro̱ng rinerawe aꞌa? Kunye kuyong nye kuse rinerawe aꞌa?

1 aKoranti 15:9

Mi ti raar kaye̱e̱r ámanzo, mi kyem a tin yis ye amanzo gum baꞌ kamok mi tabak áfikuus dide̱ng.

aRom 13:13

Won i tu sor yir kusor kutek kuya ku tana tonong ye yir nye yir aya a ta se kaye̱e̱r akanang, sang ku so̱ iriri ike̱re̱ ne a feng baꞌ, ne a gung rice nong á ta nye ike̱re̱ isum ka ku nye kukpe̱de̱ng'e ne rikuna baꞌ. I tu ko̱ro̱ng yin ka tin no̱ yin kaye̱e̱r rishishim baꞌ.

aRom 2:8

Amma áya a ta shim rice ne á gaar katsak ne á nye amaan kunye, a tù ku karang ba be riye̱ kubeseng ne riye̱ riwe.

aKolosi 3:12

Kamok anong, kyo̱ndi ánerawe áya Adakunom tá kasa, ázhe̱l'e ne áfe riye̱ wu, naka kis yin be kuro̱ riye̱ ne kuse kutek be ku mees rice ne kuse tatan ne ku naka tsesek.

1 aBitrus 3:8

Ni igang'e, won yin cice̱r kuto̱ro̱ng yin tu se kuzining. Be yin kuro̱ riye̱ ne i naka shim yin kyo̱ndi aner be aronyining, ne i se yin gye̱r ne i mees yin rice yin.