aFilipi 2:14 - Izere New Testament

¹⁴ Koakye yin tana nye yin sang tu nye yin ike̱ng ikak be anyinye̱m ka be nanaan baꞌ,

aFilipi 2:14 Referans Kwoze

1 aBitrus 4:9

Sang tu shashang yin átsen be anyinye̱m baꞌ.

1 aKoranti 10:10

Sang tu fe̱ yir anyinye̱m kyo̱ndi ákak ba tá nye ma amaleka riku tá ka fe̱s ba baꞌ.

aFilipi 2:3

Sang tu nye yin ike̱ng ikak be kushim rice baꞌ, ka be kuka baꞌ, amma be yin kumees rice ne i sok yin áfudang yin kyo̱ndi á ta nar yin.

aYakub 5:9

Ároneng, tu fe̱ yin iriri rife̱ nace yin baꞌ, ke anong baꞌ, a ta ka to̱ yin amok. Aner ku to̱ amok'e mbe̱ bubarak.

aRom 12:18

Nye yin ike̱ng iya yin tana kyem i nye, ke ta kyem yin, to̱, ne i sor yin caang be koangan.

1 aTasalonika 5:15

Sak yin riye̱, sang tu ku karang yin imaan'e be rimaan'e baꞌ. Amma koakye izen se yin gye̱r be áfudang yin ne ánerawe cice̱r.

aYakub 1:20

Kamok kubeseng riye̱ be̱e̱n kusor kujel'e Adakunom ta shim baꞌ.

aGalati 5:26

I tu kok yir rice yir naza ka ne i na beseng yir aye̱, ka ne i naka shishim yir baꞌ.

aGalati 5:15

Amma ke yin yiir ko̱ro̱ng yin ne i naka ros yin kyo̱ndi agabu, sak yin riye̱ ke anong baꞌ, cice̱r yin ta wei yin.

aYakub 3:14

Amma ke wan yiir amaan rishishim ne kushim rice kaye̱e̱r riye̱ wan, tin nye kuka natoon'e ka ta ton katsak'e baꞌ.

aRom 14:1

Shan yin aner aya sang kuno̱o̱k katsak wu tan kpa agap baꞌ, amma tu ku tser yin be rine̱n ike̱ng ikak ke kuto̱ro̱ng wu se ze̱e̱r be kufe yin baꞌ.

aZhud 1:16

Áner ayong be anyinye̱m ne á yiir rife̱ natoon ánerawe. Á kuus amaan kuto̱ro̱ng aye̱ ba tse̱k ne á ko̱k rice naza. Á ta wo̱ro̱k ánerawe be rife̱ re̱m re̱m nong á ta se̱ ike̱ng iya ba ta shim nufuba.

1 aBitrus 3:11

A ra won kunye anyas nong a ta nye kunye kutek. A rin te iso̱r ni itse̱r kusor caang be ánerawe.

Ibrani 12:14

Nye yin koakye ike̱ng yin tana kyem a nye yin nong ta sor yin caang be ánerawe cice̱r ne i sor yin zhe̱l kamok aner akak ta kyem a di Agwo̱m Ágwo̱m baꞌ, sang ke a se zhe̱l baꞌ.

aRom 16:17

Kusuk yin ároneng, sak yin riye̱ be áfe a ta shim á ta shik kugung rice yin ne á ka sak yin ta kpas yin nike̱ng iya á tá ma ka bo̱so̱p yin'e. Kam yin be ba.

Itomong Ámanzo 15:2

Rife̱ na sak aBulus be aBarnabas ya nanaan be ba dide̱ng. Iyong a tom aBulus be aBarnabas ne áfikuus akak tá tseng na aUshalima nong á ta se rip ámanzo'me ne áko̱k kasho̱o̱n ikilisiya akak itak'e.

Itomong Ámanzo 6:1

Nizen iyong, álimazhiri ti barang kute whe̱re̱, yong áner aYahuda aya a tá fok irem aHeleni kpaan anyinye̱m be áfudang ba áner aYahuda aya a tá fok Aramiya. Áner aYahuda aya a tá fok irem aHeleni kpaan anyinye̱m ye izen iya ne a dorok i kasa naya sang a yiring be ányining ba áya atek ba tan kus baꞌ.

1 aTasalonika 5:13

Ku sok yin ba yiik dide̱ng kamok itomong ba. Sor yin caang be koangan.

2 aKoranti 12:20

Kamok mi fok inyim ye kashim ke mi be̱, mi ta be̱ tá ka se̱ yin kyo̱ndi mi ta shim baꞌ, ne yin ni sok yin kyo̱ndi yin ta shim yin baꞌ. Mi fok inyim ye mi ta be̱ ta ka se̱ yin riwo̱ng be rifuup ne riye̱ kubeseng be ku won dar kugung rice, be ritok, ne imok, be rice ribun ne akpe̱de̱ng kusor.

Itomong Ámanzo 15:39

Ayong nanan ti no̱ natite ba dide̱ng ma á naka kaas.

Itomong Ámanzo 15:7

Nama á tá naka ko̱k dide̱ng ne aBitrus dorok a nyeseng nong a tá fe̱ be ba ye, “Ároneng, yin ren yin ye Adakunom ti kasa kaye̱e̱r yin gbugbang nong ta taas áner aya sang a ta nye áner aYahuda baꞌ awazi nong á tin no̱o̱k katsak.

aMarkus 14:5

A fa re̱p ke a ti se̱ itso̱m i ta gor itso̱m kuwoso alebura kuko̱s iso̱k inyak iso̱k itaar, nong a ta no̱o̱k afe rizor, ke i nar.” Iyong á zhe̱e̱r abining ame dide̱ng.

aMatiyu 20:11

Nizen á tá shan itso̱m'e, á fe̱ nyinye̱m be atek riko̱'me ye,

aMarkus 9:14

Nizen iya ba ta be̱ nufe ribir álimazhiri'me, á di rigwo̱m ánerawe whe̱re̱ ta mu ku gorok ba ne áner kubo̱so̱p Itsi ákak sen ya nanaan be ba.

aLuka 5:30

Áner aFarisi ne áfe kubo̱so̱p Itsi aya a ta se nigung rice ba san anyinye̱m be álimazhiri wu ye, “Akye̱ sak yin yas ne i so̱ yin be áfe ku shashang itso̱m iben ne áfe rine̱n e̱?”