aFilipi 2:10 - Izere New Testament

¹⁰ kamok koangan anerawe tà tigbok akuur nasho̱o̱n riyerek aYeso na dim, natoon kaza be kaben, be aza kaye̱e̱r kaben.

aFilipi 2:10 Referans Kwoze

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

Ibrani 1:6

Nizen iya Adakunom tá tom igon wu kafe ime̱se̱ng'e kaye̱e̱r kazatse, a bun a fe̱ ye, “Won ámaleka cice̱r tu ku ya iben.”

Afisa 3:14

Kamok anong, mi tigbok akuur nasho̱o̱n Ada yir nong i ta nye aduwa,

Ike̱ng a ta tonong aYohana 4:10

ne áko̱k kasho̱o̱n iso̱k ifa be anaas ame kpas kaben nasho̱o̱n wu aya a tá sonong ni itsik rigwo̱m ame, ne á ku ya iben, wu aya a tana sor ma izen izen ame. A turung abong rigwo̱m ba nasho̱o̱n itsik rigwo̱m'e ne á fe̱ ye,

Afisa 1:10

Kanye̱k wu se, ye ke izen'e nye dim, a tà gung ike̱re̱ cice̱r, ike̱re̱ iya i ta se kaye̱e̱r kaza be iya i ta se kaben nong aner azining tin nye rigwo̱m, aKiristi ne a tin nye rigwo̱m'e.

aMatiyu 27:29

Á kunung ikiritsan nong á tú ku te'me rice kyo̱ndi ribong rigwo̱m. Á tú ku no̱o̱k ishe̱n a tá yiir nubo̱k ne á ma nye gung nasho̱o̱n wu ne á nye be wu kye̱re̱ ne a fe̱ ye, “Dazha, agwo̱m áner aYahuda.”

Ike̱ng a ta tonong aYohana 20:13

Iyong ágbang adung be̱s be áner aya ba tá kus kaye̱e̱r ba. Riku be karo̱ kaya nabik áya a tá kus tú ku sor be̱s be afuba gip. A to̱ koangan amok te̱re̱ be kunye wu.

Afisa 4:9

Akye̱ nye ye “a ngarak e̱?” I tonong ye, ni ime̱se̱ng'e a se tsik ma kaye̱e̱r kaben!

aRom 11:4

Akye̱ ne Adakunom fe̱ be wu e̱? A fe̱ be wu ye, “Mi won áner izungu kanataar áifya a tan gaar kuya aBaal iben kamok rice mi.”

aMatiyu 12:40

Kyo̱ndi aZhona ta te inom itaar, katuk be kunom kaye̱e̱r kafa agbang izos, anong ne Igon Anerawe ta te inom itaar katuk be kunom kaye̱e̱r iben.

Ike̱ng a ta tonong aYohana 5:3

Akak kuse, natoon kaza ka kaben ka kaye̱e̱r iben a tana kyem a karak kukpa'me shita a tana fa baꞌ.