aFilipi 1:8 - Izere New Testament

⁸ Adakunom ren kuri kuto̱ mi ta to̱ natoon yin cei, be kuri kushim aYeso tin shim yir.

aFilipi 1:8 Referans Kwoze

aFilipi 4:1

Kamok anong, ároneng afe riye̱ mi, aya mi ta min te riye̱ ke mi ka di yin ne mi ni be riye̱ rikan ne mi niya kuka, ye i ra nyeseng yin kpa ni ikuus Agwo̱m Ágwo̱m yir aYeso. Yin áya mi ta shim.

aRom 1:9

Adakunom aya mi tu ku nye itomong be riye̱ rizining kaye̱e̱r kutaas Rife̱ Ritek Igon wu aYeso, ren kuri aduwa mi ta yiir nye ne i yiring be yin.

2 aTimoti 1:4

Izen iya ne mi yiring be nanyisi wan ne a ni te ke mi ka di nong ase̱ riye̱ mi ta men.

1 aTasalonika 2:8

Kamok yir ta ka shim yin dide̱ng iyong ne i sak sang yir ta ka nye yin awazi Rife̱ Ritek tsek baꞌ, amma yir no̱o̱k yir kutser yir cei gip.

aRom 9:1

Katsak'e, ne mi fe̱ kamok aKiristi, sang mi bo̱ abo̱o̱s baꞌ, kaye̱e̱r kuto̱ro̱ng'i ne ike̱ng iya Kabik Kazhe̱l'e tin tonong, mi no̱o̱k katsak ye i nye katsak.

aFilimon 1:12

Mi bun i sen ku tom nufuan, wu aya a ta nye itsam riye̱ mi.

aKolosi 2:1

Mi shim yin tu ren yin kuri iso̱r mi ta min te kamok yin ne ánerawe á ta se na aLaudikiya, ne áya sang á ta kun min di cice̱r baꞌ.

aGalati 4:19

Inoon'i naya mi ta sen niso̱ risam kyo̱ndi aner abining ta te̱s ma yin te yin kyo̱ndi aKiristi.

aGalati 1:20

Mi be Adakunom mi, ike̱ng iya mi ta sen ka zibir yin'e na nye abo̱o̱s baꞌ.

2 aKoranti 7:15

Kushim wu ta ka shim yin se dide̱ng, izen iya wu yiring be kuri kufok kuto yin tu ku fok yin, ne yin ku shan yin be kuyiik ne ikap kutiim.

2 aKoranti 6:12

Yir ta gaar yin baꞌ, amma yin ne i karak yin aye̱ yin natoon yir baꞌ.

aLuka 1:78

kamok kuro̱ riye̱ Adakunom yir, ne akanang kashesh a ta ne naza tin wuruk ni yir

1 aYohana 3:17

Ke akak kuse a ta be ike̱ng ne a di aronyining wu áfikuus a be ike̱ng ikak baꞌ, a se nudaam, amma a ro̱ riye̱ wu nong a tu ku nye ike̱ng ikak baꞌ. Ane̱ ne wu ta tonong ye kushim Adakunom kuse riye̱ wu e̱?

aFilimon 1:20

Aroneng, mi mok ye mi ta se̱ ritek nufuan kamok Agwo̱m Ágwo̱m. Kusuk, ni tsesek.

1 aTasalonika 2:5

Yin ren yin ye, sang yir be̱ yir nufe yin be rife̱ re̱m re̱m tsek baꞌ, ka kamok yir ta be yir rinyisi rikan baꞌ, Adakunom ne a ren.

aKolosi 3:12

Kamok anong, kyo̱ndi ánerawe áya Adakunom tá kasa, ázhe̱l'e ne áfe riye̱ wu, naka kis yin be kuro̱ riye̱ ne kuse kutek be ku mees rice ne kuse tatan ne ku naka tsesek.

aFilipi 2:26

Kyo̱o̱rna, mi bun i shim i tù ku tom nufe yin kamok a mu ku te ke a ka di yin cice̱r ma an daam dide̱ng kamok yin tá fok yin ye, sang wu nye atser baꞌ.

aFilipi 2:1

Kum yin ta se̱ yin kutsesek ye yin n te yin azining be aKiristi, kum yin ta se̱ yin kameneng riye̱ kaye̱e̱r kushim wu, kum yin ta se̱ yin kugung rice be Kabik Adakunom, be kuro̱ riye̱ ne kushim yin,

2 aKoranti 13:9

Yir nye yir riye̱ rikan ke yir se yir gbe̱re̱k, amma ne yin se yin gbugbong. Yir nye yir aduwa ye yin ta shining yin.

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.