aFilipi 1:7 - Izere New Testament

⁷ I se gye̱r mi ta to̱ natoon yin cice̱r anong, kamok yin se yin riye̱ mi, kamok yin cice̱r gung yin rice be mi kaye̱e̱r ritek Adakunom. Mi ta se nitso̱m ka mi ta sen te̱ne̱ng ne i ti nyeseng ye Rife̱ Ritek'e nye katsak.

aFilipi 1:7 Referans Kwoze

2 aKoranti 7:3

Sang i se ye mi fe̱ anong nong ta ka te̱n yin amok baꞌ, kyo̱ndi mi tá tsang i fe̱ be yin ye, yin se yin kaye̱e̱r aye̱ yir, be kutser, be riku.

aFilipi 1:5

Kamok yin gung yin rice be mi ni itomong kutaas Rife̱ Ritek aKiristi kum ni ime̱se̱ng'e ma kyo̱o̱rna.

2 aTimoti 2:9

Kamok anong ne mi ti so̱ risam na ma a min te nitso̱m gip kyo̱ndi aner aya a tá nye amaan ike̱ng, amma a ta kyem a ta rosom rife̱ Adakunom baꞌ.

aKolosi 4:18

Mi aBulus ne i zibir ashou na be kubo̱k'i, tu tiburum yin ye mi na aze nitso̱m baꞌ. Ritek Adakunom se mak be yin.

aFilipi 4:14

Amma yin nye yin gye̱r i tin tobok yin kaye̱e̱r risam mi.

Afisa 6:20

Kamok Rife̱ Ritek na ne mi te aner kutom, aya a ta se kaye̱e̱r izining. Nye yin aduwa nong ase̱ nizen iya mi ta sen taas kutom'e mi ta taas dar inyim kyo̱ndi mi ta shim.

Afisa 3:1

Kamok anong, mi aBulus a min te nitso̱m kamok aYeso aKiristi ne kamok yin áya sang yin ta nye yin áner aYahuda baꞌ.

Itomong Ámanzo 20:23

Igak ike̱ng iya mi ta ren nye, Kabik Kazhe̱l'e min tá ye kaye̱e̱r koakye agbang kuwo̱p kuya mi tú ku sor, mi ta so̱ risam dide̱ng ne a ni rosom itso̱m.

1 aYohana 3:14

Yin ren yin, yir tsang i nye yir ikom'e cice̱r nabik, amma kyo̱o̱rna yir be yir kutser kamok yir shim yir áronyining yir. Aner aya afe a ta shim aronyining wu baꞌ, a nye kukom'e nabik.

2 aBitrus 1:13

Mi di ye i se gye̱r ta yiir kuka yiring yin ike̱re̱ na kum mi ta rusek nazatse na be kutser,

1 aBitrus 4:13

Amma ban i nye yin riye̱ rikan, kamok yin ta gung yin rice be aKiristi kaye̱e̱r risam wu. Yin ta nye yin riye̱ rikan dide̱ng nizen iya a tana tonong kuyiik aKiristi'me.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

1 aTasalonika 5:5

Kamok yin nye yin áfe akanang cice̱r yin, ne i bun i nye yin áfe kunom. Yir nye yir áfe katuk ka áfe awhi baꞌ.

aKolosi 4:3

Nye yin aduwa kamok yir gip, nong ase̱ Adakunom tin karak yir iren kutaas rife̱ wu nong ta taas yir kanye̱k aKiristi kaya ka ta se nune̱re̱ng kafe sang akak ta ren baꞌ, kamok anong ne a min te nitso̱m.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

2 aKoranti 3:2

Yin be rice yin ne i nye yin kufumung yir, kufe yir tá zibir yir kaye̱e̱r aye̱ yir nong koangan ta fa ne a ren.

1 aKoranti 13:7

Kushim kyem fek koakye, ne ku ni ino̱o̱k katsak natoon koakye, ne ku te riye̱ natoon koakye, ne ku naka tsesek kaye̱e̱r koakye.

1 aKoranti 9:23

Mi nye anong kamok Rife̱ Ritek aYeso nong ase̱ mi tin se̱ kanu kanaan kaye̱e̱r Rife̱ Ritek'e.

Itomong Ámanzo 21:33

Aritek asozha'me be̱ bubarak a tú ku yiir ne a sak a tu ku rosom be idun atso̱m ifa. Ne a rip ye a nye angan e̱? A nye akye̱ e̱?

1 aBitrus 5:1

Mi ako̱k kasho̱o̱n ikilisiya, mi aya mi tá di kuri risam riya aKiristi tá so̱ be anyisi mi. Mi aya i tana se̱ ishorong'i nasho̱o̱n kaye̱e̱r kuyiik a tana tonong, mi nye áko̱k kasho̱o̱n ikilisiya áfudang'i a ta se kaye̱e̱r yin akusuk ye,

aFilipi 1:12

Ároneng, mi shim ke yin ren yin ye, ike̱ng iya i tin se̱ sak iren kutaas Rife̱ Ritek tin barang kuya kasho̱o̱n.

aFilipi 1:13

Kamok anong, ásozha áfe a ta tor ágwomna be ribir ánerawe'me cei ren ye a ti te nitso̱m kamok aKiristi.

aFilipi 1:14

Ku ni te nitso̱m, sak kukap ároneng afikuus ti barang kuse̱ agap nong á ta taas rife̱ Adakunom be riye̱ rizining dar inyim.

aFilipi 2:22

Amma yin ren yin ye, aTimoti tonong rice wu ye wu be katsak, kamok a nye itomong kutaas Rife̱ Ritek be mi kyo̱ndi igon ta nye itomong be atek wu.

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

aFilipi 4:15

Yin áfikuus aFilipi kyo̱ndi yin ta tsang i ren yin, kum a tá san ku ka taas yin Rife̱ Ritek ni ime̱se̱ng'e, nizen mi tá won kaben aMakidoniya. Ikilisiya ikak kuse i ta gung rice be mi kaye̱e̱r itomong na be kunyesek ike̱re̱ ze̱e̱r be yin baꞌ.

aFilimon 1:13

Mi shim ke wan ku yiir nong a ta sor mak be mi nong ase̱ a ta ka shishing ne a ni se̱ mo ne i nye ike̱re̱ ne mi se nurosom kamok kutaas Rife̱ Ritek Adakunom.