aFilipi 1:23 - Izere New Testament

²³ I ti ro̱ ta kasa izining kaye̱e̱r'e, amma kushim mi nye ke i ku nong tà sor be aKiristi, iyong ti nar dide̱ng.

aFilipi 1:23 Referans Kwoze

2 aKoranti 5:8

Katsak'e, yir be yir agak riye̱ baꞌ. Yir nar kushim ta kam yir kuro̱m na nong ta sor yir mak be Agwo̱m Ágwo̱m kaye̱e̱r kaza.

Ike̱ng a ta tonong aYohana 14:13

Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

Itomong Ámanzo 7:59

Nizen iya á tá san ku barak be ata ne Itifanus nye aduwa a tá fe̱ ye, “aYeso Agwo̱m Ágwo̱m, shan kutser'i.”

aLuka 23:43

aYeso fe̱ be wu ye, “Won ta ka tak katsak'e, katuur wan tà se mak be na aParadis.”

2 aTimoti 4:6

Kamok izen n nye a tanin sok a ta no̱o̱k kyo̱ndi asidaka igang'e, izen kutseng'i n nye.

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

1 aTasalonika 4:17

Nama anong, yir áya i ta rusek yir be kutser tà dorok yir naza nong tà nyim yir mak be ba kaye̱e̱r ane̱n naza nong tà sor yir be Agwo̱m Ágwo̱m yir ma izen izen.

aYohana 14:3

Ke mi tseng i ta se ka nye yin karo̱'me, mi tà bun i be̱ ta ba ka sok yin nong tà se yin mak be mi. Yin ta se yin naro̱ mi tana ku se gip.

aLuka 12:50

aBatisma kuse a tanin nye'me, a kon ni te ke a min i nye'me.

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aLuka 8:38

Aner ítseng tá wuruk kaye̱e̱r wu ame nye aYeso izong ye wu ta tseng be wu, amma aYeso tú ro a tá fe̱ be wu ye,

1 aTasalonika 2:1

Ároneng, yin be rice yin ren yin ye kube̱ yir nufe yin se kpe̱de̱ng baꞌ.

2 aKoranti 6:12

Yir ta gaar yin baꞌ, amma yin ne i karak yin aye̱ yin natoon yir baꞌ.

aFilipi 1:24

Amma kamok nong ta ka tobok yin, i nar mi ta sor nuro̱m.