aFilipi 1:21 - Izere New Testament

²¹ Kamok kuto̱ro̱ng'i nye, be mi tana sor be kutser i nye aKiristi, ke mi ku i ti nar kamok mi tà be naza.

aFilipi 1:21 Referans Kwoze

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

2 aKoranti 5:8

Katsak'e, yir be yir agak riye̱ baꞌ. Yir nar kushim ta kam yir kuro̱m na nong ta sor yir mak be Agwo̱m Ágwo̱m kaye̱e̱r kaza.

2 aKoranti 5:1

Kyo̱o̱rna, yir ren yir ye ke a yirik abur yir afe yir tin sor yir, iro̱m yir, Adakunom be rice wu tin no̱k yir kasa kaye̱e̱r kaza. Kasa'ong sang anerawe ne a no̱k baꞌ, ka ta sor ma izen izen.

aFilipi 1:23

I ti ro̱ ta kasa izining kaye̱e̱r'e, amma kushim mi nye ke i ku nong tà sor be aKiristi, iyong ti nar dide̱ng.

aKolosi 3:4

Nizen iya aKiristi, aya a ta nye kutser yin, tana wuruk de̱s, yin gip, yin ta wuruk yin de̱s mak be wu kaye̱e̱r kuyiik wu.

2 aKoranti 5:6

Kamok anong ne yir sor yir be riye̱ rizining koakye izen ne i ren yir ye ke yir sor yir kaye̱e̱r kuro̱m na, kufe kazatse, to̱, i se yir gugo̱k be kasa Agwo̱m Ágwo̱m.

aFilipi 1:20

Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

Ike̱ng a ta tonong aYohana 14:13

Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

aGalati 6:14

Adakunom rin roon kuka ma ke mi tin ya kuka be kutigak Agwo̱m Ágwo̱m yir aYeso Kiristi nukon, be riku wu ne mi ku ni ike̱re̱ kazatse na, ne ike̱re̱ kazatse ne ku ni mi.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aFilipi 2:21

Kamok mi di koangan aze daam be ike̱re̱ riye̱ wu tsek sang ife aYeso Kiristi baꞌ.

1 aKoranti 3:22

ko aBulus ko Apolos ko aKefas ko kazatse na, ko riku ko kutser ko ike̱re̱ a kyo̱o̱rna ko iya i tana be̱, i nye ife yin cei,

aFilipi 1:22

Ke mi tà sor nuro̱m, ne mi ya kasho̱o̱n be itomong i ta se gye̱r. To̱, mi ta nye ane̱ e̱? Mi ren iya mi tana nye baꞌ.